07.10.2026 | 14:23
Հարավային Կովկասում կայուն խաղաղության հեռանկարն ավելի իրատեսական է թվում, քան նախկինում․ Չավուշօղլու
Պետդումայում օրինագիծ են ներկայացրել դատական կատարածուների՝ քաղաքացիների վրա կրակելու իրավունքի մասին
Քաղաքականություն
26.04.2024 | 17:52
Ռուսաստանում դատական կարգադրիչներին կարող են թույլ տալ կրակել մարդկանց վրա։ Համապատասխան օրենքի նախագիծը ներկայացվել է Պետդումայի քննարկմանը։ Փաստաթուղթը նախատեսում է նաև կարգադրիչների կողմից հատուկ այլ միջոցներ և ֆիզիկական ուժ կիրառելու իրավունք, գրում է The Moscow Times-ը։
Խորհրդարանի ստորին պալատի կայքում տեղադրված օրինագծի տեքստի համաձայն՝ կարգադրիչները պետք է անցնեն հատուկ վերապատրաստում և պարբերաբար (առնվազն տարին մեկ անգամ) թեստավորում անցնեն՝ թվարկված գործողություններին համապատասխանության համար։ Բացի այդ, եթե այդ միջոցները կիրառվեն, նրանք պարտավոր կլինեն «հնարավորինս արագ» բուժօգնություն ցուցաբերել տուժած անձանց։
Ապրիլի 15-ին կառավարության համապատասխան հանձնաժողովը հավանություն է տվել ՌԴ Արդարադատության նախարարության օրինագծին, որով հարկադիր մարմինների բոլոր աշխատակիցներին (Դաշնային կարգադրիչի ծառայություն) ֆիզիկական ուժ և հրազեն կիրառելու իրավունք է տրվում: Այժմ զենք օգտագործելու իրավունք ունեն միայն Դաշնային հարկադիր կատարման ծառայության անվտանգության ուժերը։
Փաստաթղթի հաստատման դեպքում կարգադրիչն իրավունք կունենա զենք օգտագործել դատավորներին, դատավարության մասնակիցներին, վկաներին, քաղաքացիներին, ինչպես նաև հարկադիր մարմինների աշխատակիցներին պաշտպանելու համար, եթե նրանք ենթարկվեն կյանքի կամ առողջության համար վտանգավոր բռնություն պարունակող հարձակման։
