28.07.2026 | 19:12
Ինֆանտինոյի և Թրամփի կապերը․ Կոնգրեսը սպասում է ՖԻՖԱ-ի ղեկավարի բացատրություններին
Թուրքիայում սիրիացի փախստականների հարցը տնտեսական ճգնաժամի պայմաններում քաղաքական գործիք է դարձել․ AFP
Քաղաքականություն
13.05.2022 | 23:30
Թուրքիայում սիրիացի փախստականների մասին բանավեճը գնալով դառնում է քաղաքական գործիք, քանի որ երկիրը պայքարում է ռեկորդային բարձր գնաճի և արժույթի անկման դեմ,ինչն ավելի է սրվում ուկրաինական պատերազմի պատճառով, գրում է «Ահվալ» գործակալությունը՝ հղում անելով AFP-ին։
Թուրքիայի նախագահն էլ , որի վարկանիշը հարվածներ է ստանում հիվանդ տնտեսությունից, իրար հակասող հայատարարություններ է անում Անկարայի՝ փախստականներին առնչվող քաղաքականության վերաբերյալ, որը քննադատությունների է արժանանում ընդդիմադիր կուսակցությունների կողմից։ Նրանք խոստանում են իշխանության գալու դեպքում փախստականների հայրենադարձում, գրում է հոդվածագիրը։
Թուրքիայում բնակվում են մոտ 3,7 սիրիացի փախստականներ, նրանք ժամանել են Սիրիայում 2011 թվականի քաղաքացիական պատերազմից հետո: Ժողովրդագրությունը երկրում բախվում է այլատյացության ալիքին, ընդ որում՝ փախստականների դեմ տրամադրություններն ուժեղանում են երկրի բարձր գործազրկության մակարդակով և տնտեսության անկմամբ պայմանավորված:
Նախագահ Էրդողանն էլ այս ամսվա սկբին հայտարարեց, որ թուրքական կառավարությունը աշխատում է նոր նախագծի վրա 1 մլն սիրիացի փախստականների տուն վերադարձնելու համար։ Սակայն հենց անցած շաբաթ թուրք առաջնորդն ասաց, որ իր կառավարությունը կշարունակի պաշտպանել նրանց և տուն չուղարկի, այս հայտարարությունը հետևեց ընդդիմության քննադատությանը։
Անկարայի համալսարանի միգրացիոն հետազոտական կենտրոնի տնօրեն Մուրադ Էրդողանի կարծիքով Սիրիա Թուրքիայի փախստականների զանգվածային վերադարձի մասին խոսք չկա, քանի որ Անկարան ու Սիրիայի նախագահ Բաշար Ասադը չեն կարողանա համաձայնության գալ, քանի դեռ Թուրքիան չի հեռացել Սիրիայի հյուսիսում օկուպացված տարածքներից:
Էրդողանի ընդդիմադիրներն էլ, այդ թվում՝ ժողովրդահանրապետական կուսակցության ղեկավար Քեմալ Քըլըչդարօղլուն, Թուրքիայի առաջնորդին մեղադրում են փախստականների նկատմամբ իր քաղաքականության հարցում շրջադարձ կատարելու մեջ՝ 2023 թվականի ամռանը նախատեսված ընտրություններից առաջ ընտրողներին հանգստացնելու նպատակով։
Էմմա Չոբանյան
