09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Թուրքերի ավելի քան 80 տոկոսը կարծում է, որ երկրի տնտեսությունը վատ վիճակում է․ հետազոտություն
Քաղաքականություն
04.05.2022 | 23:30
Թուրքերի ավելի քան 80 տոկոսը կարծում է, որ երկրի տնտեսությունը գտնվում է վատ վիճակում։ Այս մասին են վկայում Ipsos polling-ի իրականացրած հետազոտության արդյունքները, գրում են թուրքական լրատվամիջոցները։
Թուրքիայում հարցվածների 82 տոկոսը տնտեսությունը գնահատել է «վատ»՝ զբաղեցնելով հինգերորդ տեղը 27 երկրների շարքում՝ իրենց ազգի ֆինանսական վիճակի վերաբերյալ մռայլ հեռանկարով։ Հարցումն անցկացվել է 19,000 քաղաքացու շրջանում մարտի 25-ից ապրիլի 3-ը։
Հարցվածների միայն 18 տոկոսն է ասել, որ իրենց երկրի տնտեսությունը լավ վիճակում է։
Թուրքիայում տարեկան գնաճը կազմում է 61,1 տոկոս, որը վերջին 20 տարվա ընթացքում ամենաբարձր ցուցանիշն է։ Թանկացումները, որն առաջացել է Ուկրաինա Ռուսաստանի ներխուժման հետևանքով ապրանքային ցնցումից, տեղի են ունենում նախագահ Ռեջեփ Թայիփ Էրդողանի կառավարության հակասական տնտեսական քաղաքականության ֆոնին, ինչը թուրքական տնտեսությունն ավելի խոցելի է դարձնում: Թուրքական լիրան, որը 2021 թվականին կորցրել է արժեքի 44 տոկոսը, այս տարի նվազել է ևս 10 տոկոսով։
Հարցին՝ արդյո՞ք Թուրքիայի տնտեսությունը գնում է «ճիշտ» կամ «սխալ» ուղղությամբ, հարցվածների 73 տոկոսը պատասխանել է՝ «սխալ»՝ համեմատած 63 տոկոսի համաշխարհային միջինի հետ, որոնք ընտրել են նույն պատասխանը։ Թուրքիան չորրորդն է Պերուից, Արգենտինայից և Կոլումբիայից հետո, որոնց քաղաքացիներին դուր չի գալիս երկրի տնտեսական քաղաքականությունը։
Հարցման համաձայն՝ գնաճը գլխավորել է մասնակիցների մտահոգությունների ցանկը 58 տոկոսով, որին 39 տոկոսով հետևում են աղքատությունն ու տնտեսական անհավասարությունը։
Էմմա Չոբանյան
