21.08.2026 | 12:03
46-ամյա Ռոնալդինյոն վերսկսում է կարիերան
Թուրքիան և Իսրայելը քննարկում են գազատարի կառուցման հարցը, որը Եվրոպայի համար ռուսական գազին այլընտրանք կարող է լինել․ Reuters
Քաղաքականություն
29.03.2022 | 18:26
Թուրքիա-Իսրայել գազատարի հարցն է քննարկվել կուլիսներում՝ որպես Եվրոպայի համար ռուսական էներգետիկ մատակարարումների այլընտրանք, սակայն, երկու երկրների կառավարությունների ու ոլորտի պաշտոնյաների կարծիքով, դա պահանջում է բարդ մանևրումներ, գրում է Reuters գործակալությունը։
Նշվում է, որ նախաձեռնության նպատակն է Թուրքիայից ստորջրյա խողովակաշար կառուցել դեպի Իսրայելի ամենամեծ ծովային բնական գազի հանքավայրը՝ Լևիաթան, որը գազ է մատակարարում Իսրայելին, Հորդանանին և Եգիպտոսին: Գազն այդպիսով կհոսի դեպի Թուրքիա և դեպի հարավային եվրոպական հարևաններ, որոնք ցանկանում են դիվերսիֆիկացնել Ռուսաստանից մատակարարումները։
Նախորդ տարի ԵՄ-ն 155 մլրդ խորանարդ մետր ռուսական գազ է ներկրել, որը ծածկում է սպառման մոտ 40 տոկոսը։
Թուրքիայի նախագահ Ռեջեփ Թայիփ Էրդողանն էլ անցյալ շաբաթ անդրադառնալով գազային համագործակցությունը՝ հայտարարել էր, որ պատրաստ է նախարարների ուղարկել Իսրայել՝ գազատարը վերականգնելու համար:
Թուրք բարձրաստիճան մի պաշտոնյա Reuters-ին հայտնել է, որ բանակցությունները շարունակվել են այն բանից հետո, երբ Իսրայելի նախագահ Իսաակ Հերցոգն այցելել է Անկարա այս ամսվա սկզբին, և առաջիկա ամիսներին «կոնկրետ որոշումներ» կարող են ընդունվել առաջարկվող երթուղու և մասնակից կազմակերպությունների վերաբերյալ:
Իսրայելի էներգետիկայի նախարար Կարին Էլհարարը Ynetnews-ին ասել է, որ շատ նկատառումներ չեն քննարկվել, այդ թվում՝ ֆինանսների հարցը։
«Պետք է հասկանալ, որ դա տնտեսապես իրագործելի է, ինչն ինքնին հասկանալի բան չէ»,- ասել է նա։
Էմմա Չոբանյան
