10.10.2026 | 13:16
ԱՄՆ-ն պատրաստակամություն է հայտնել աջակցելու Հայաստանի ԱԱԾ սահմանապահների վերապատրաստմանը
Հրթիռակոծությունները չեն վնասել Խարկովի գիտահետազոտական կենտրոնի միջուկային նյութերը․ ՄԱԳԱՏԷ
Քաղաքականություն
29.03.2022 | 11:38
Վերջին օրերի հրետակոծության ժամանակ Խարկովի միջուկային գիտահետազոտական կենտրոնը վնասվել է, սակայն միջուկային նյութերի ոչ մեծ պաշարները մնացել են անձեռնմխելի: Ատոմային էներգիայի միջազգային գործակալությունը (ՄԱԳԱՏԷ) նման տեղեկություն է ստացել ուկրաինական կողմից։ Գործակալության տնօրեն Ռաֆայել Գրոսսի խոսքով՝ գնդակոծությունից վնասվել է բուն շենքը, ջերմամեկուսացումը և փորձերի համար նախատեսված սենյակը, գրում է DW-ի ռուսական ծառայությունը։
Հաստատությունն օգտագործվում է հետազոտությունների և մշակումների, ինչպես նաև բժշկական և արդյունաբերական նպատակներով ռադիոիզոտոպների արտադրության համար։
ՄԱԳԱՏԷ-ն նաև հայտնել է, որ Ուկրաինայի 15 գործող միջուկային ռեակտորներից 8-ը շարունակում են գործել, այդ թվում՝ 2-ը՝ Ռուսաստանի կողմից վերահսկվող Զապորոժիեի ատոմակայանում, 3-ը՝ Ռովնոյի ատոմակայանում, մեկը՝ Խմելնիցկի ատոմակայանում և 2-ը՝ հարավ-ուկարինական ԱԷԿ-ում։ Մնացածներն անջատված են պլանային սպասարկման համար:
