21.08.2026 | 17:40
Դավիթաշենում գործող «Ծիրան մարկետի» պահեստի շահագործումը կասեցվել է և կապարակնքվել
Պատերազմի սկզբից ի վեր ավելի քան 3 մլն մարդ է լքել Ուկրաինան․ ՄԱԿ
Քաղաքականություն
15.03.2022 | 16:59
ՄԱԿ-ի տվյալներով՝ պատերազմի սկզբից ի վեր ավելի քան 3 միլիոն մարդ լքել է Ուկրաինան։ Փախստականների մեծ մասին ընդունել է Լեհաստանը՝ մոտ 1,8 մլն մարդ, ևս մոտ 450 հազարն ապաստանել է Ռումինիայում, 340 հազարը՝ Մոլդովայում, գրում է AFP-ն։
Ավելի վաղ ՆԳՆ մամուլի ծառայությունը հայտնել էր, որ Ուկրաինայի քաղաքացիները, որոնք ստիպված են եղել լքել երկիրը ռազմական գործողությունների պատճառով, կկարողանան մինչև երեք տարի ժամկետով ապրել և աշխատել ԵՄ երկրներում։ Նրանք կազատվեն թղթաբանության բարդ ընթացակարգից։
«ԵՄ-ն նախատեսում է Ուկրաինայի քաղաքացիներին մինչև մեկ տարի ապրելու, աշխատելու, բժշկական օգնություն ստանալու, բնակարան և կրթություն ստանալու իրավունք շնորհել՝ առանց ապաստանի երկարատև ընթացակարգեր անցնելու: Եթե հակամարտությունը շարունակվի երկար ժամանակ, կամ եթե փախստականները չկարողանան վերադառնալ, այս կարգավիճակը կարող է երկարաձգվել ևս երկու տարով»,- ասվում է հայտարարության մեջ։
Ուկրաինացիները նախկինում իրավունք ունեին 90 օր ժամկետով առանց վիզայի մնալ ԵՄ տարածքում։ Այժմ ԵՄ օրենսդրության մեջ փոփոխություններ են մտցվել, և ուկրաինացիները կկարողանան մնալ ԵՄ երկրներում այս ժամկետի ավարտից հետո։
Տաթև Ֆռանգյան
