21.08.2026 | 20:40
Հայաստանի և Վրաստանի հետախուզական կառույցների ղեկավարները քննարկել են համագործակցության խորացումը. 1tv.ge
Եվրոպայում գազի գինն առաջին անգամ հասել է 3900 դոլարի
Քաղաքականություն
07.03.2022 | 15:45
Այսօր Եվրոպայում գազի գինը հասել է 3900 դոլարի՝ 1000 խմ-ի դիմաց, հետո մեկ ժամվա ընթացքում նվազել՝ հասնելով 2900 դոլարի։ Այս մասին են վկանում Լոնդոնի ICE բորսայի տվյալները։
Մարտի 7-ի առավոտյան Եվրոպայում գազի ֆյուչերսների գինը գերազանցել է 2500 դոլարը՝ այսպիսով թարմացնելով նախկին հակառեկորդը։ Սակայն արդեն մեկ ժամ անց արժեքը պատմության մեջ առաջին անգամ հասել է 3000 դոլարի, այնուհետև՝ գրեթե 4000 դոլարի։
Ավելի վաղ հայտնել էինք, որ աճում են նաև նավթի գները, քանի որ Արևմուտքը սկսել է ակտիվորեն քննարկել ռուսական նաթի էմբարգոյի հարցը։ Ռուսաստանը, Սաուդյան Արաբիայից ու ԱՄՆ-ից հետո, աշխարհում նավթի արտահանման ծավալով երրորդ երկիրն է։ ՌԴ-ն օրական շուրջ 11 միլիոն բարել նավթ է արդյունահանում, որից շուրջ 5 միլիոնը՝ արտահանում, գումարած սրան՝ ևս 2 միլիոն բարել նավթամթերք։ Այս ամենի գրեթե կեսն արտահանվում է Ասիա։
Էմբարգոյի հարցով քննարկումների նախաձեռնողն ԱՄՆ-ն է, սակայն այս երկիրը չափազանց քիչ քանակությամբ է ռուսական նավթ գնում, մինչդեռ եվրոպական երկրները լրջորեն կախված են ռուսական նավթից ու նավթամթերքից։ Իսկ Եվրոպան դեռևս ոչինչ չի հայտնել արգելափակման մասին։ Մինչ այդ, պատերազմը բարձրացրել է բոլոր հումքերի գները. անցած շաբաթ նիկելը թանկացել է 19%-ով, ալյումինը 15%-ով, ցինկը՝ 12%-ով, պղինձը՝ 8%-ով։
Տաթև Ֆռանգյան
