Վահրամ Դումանյանն ընդունել է Հայաստանում ՄԱԿ-ի մշտական համակարգողին

Լուրեր

14.01.2025 | 14:39
Սպասում ենք ՍԴ որոշմանը. Գալյանը՝ ապօրինի գույքի բռնագանձման օրենքի սահմանադրականության հարցի մասին․ ՏԵՍԱՆՅՈՒԹ
14.01.2025 | 14:28
Կարևոր չէ՝ ինչպես է կոչվում այդ պայմանագիրը, կարևոր է, թե ինչ է դրանից բխում․ Լավրովը՝ ԱՄՆ-ի հետ փաստաթղթի մասին. ՏԵՍԱՆՅՈՒԹ
14.01.2025 | 14:20
Պետք է բացառել անազատության մեջ գտնվող անձանց դատարան չուղեկցելու պատճառով նիստերի հետաձգումը․ ՏԵՍԱՆՅՈՒԹ
14.01.2025 | 14:09
Արարատ Միրզոյանը ՌԴ է հրավիրվել․ նախարարն ընդունել է հրավերը․ Լավրով
14.01.2025 | 14:02
Չեմ հասկանում կանանց և երիտասարդների նկատմամբ խտրականությունը. Գալյան․ ՏԵՍԱՆՅՈՒԹ
14.01.2025 | 13:54
Չինաստանը մտածում է TikTok-ն Իլոն Մասկին վաճառելու մասին. Bloomberg
14.01.2025 | 13:45
Դատաիրավական բարեփոխումների համատեքստում բավականին մեծ արդյունքներ ունենք. Գալյան․ ՏԵՍԱՆՅՈՒԹ
14.01.2025 | 13:38
Էնգելսում ԱԹՍ-ները կրկին արդյունաբերական ձեռնարկության են հարվածել, Կազանում ուժեղ հրդեհ է, սահմանափակվել է օդանավակայանների աշխատանքը
14.01.2025 | 13:30
Աննա Հակոբյանի հետ ունեմ աշխատանքային հարաբերություններ. Սրբուհի Գալյան
14.01.2025 | 13:23
Կրեմլը՝ Հայաստան-ԱՄՆ ռազմավարական գործընկերության փաստաթղթի ստորագրման մասին
14.01.2025 | 13:16
Էրդողանի նախագահության նոր ժամկետը «մեր օրակարգում է». Թուրքիայի իշխող կուսակցության խոսնակ
14.01.2025 | 13:07
Ինչ է անելու Գալյանը, որպեսզի հանրությունը արդարության և արդարադատության պակասի զգացում չունենա․ ՏԵՍԱՆՅՈՒԹ
14.01.2025 | 13:01
ՌԴ ԱԳՆ-ն ադրբեջանական կործանված օդանավի հետ կապված Լավրովի անունից Բայրամովին ուղղված նամակն անվանել է «կեղծիք և քաղաքական պատվեր»
14.01.2025 | 12:55
Մեր խնդիրն է՝ մինչև ընտրություններ ունենալ նոր Սահմանադրության տեքստ․ Սրբուհի Գալյան
14.01.2025 | 12:50
Քանաքեռ-Զեյթունի ծննդատունը չի գործի, քանի որ հայտնաբերված խնդիրները չեն վերացվել․ ՏԵՍԱՆՅՈՒԹ
Բոլորը

ՀՀ կրթության, գիտության, մշակույթի և սպորտի նախարար Վահրամ Դումանյանն այսօր ընդունել է Հայաստանում ՄԱԿ-ի մշտական համակարգող Լիլա Պիտերս Յահիային: Հանդիպմանը ներկա է եղել նաև ԿԳՄՍ նախարարի տեղակալ Արթուր Մարտիրոսյանը․ տեղեկացնում են ԿԳՄՍՆ-ից։

Վահրամ Դումանյանը շնորհավորել է Լիլա Պիտերս Յահիային Հայաստանում ՄԱԿ-ի մշտական համակարգողի պաշտոնը ստանձնելու կապակցությամբ և մաղթել արդյունավետ աշխատանք: Նախարարը կարևորել և բարձր է գնահատել Հայաստանում Միավորված ազգերի կազմակերպության աջակցությամբ և ՀՀ ԿԳՄՍ նախարարության հետ գործընկերությամբ իրականացվող համատեղ ծրագրերը, որոնց թվում՝ կրթության, երիտասարդության և մշակույթի ոլորտներում առկա համագործակցությունը Կայուն զարգացման նպատակների (ԿԶՆ) իրագործման համատեքստում։

Վահրամ Դումանյանն առանձնահատուկ կարևորել է համագործակցությունը ՄԱԿ-ի Մանկական հիմնադրամի հետ՝ վաղ մանկության զարգացման և հանրակրթության ոլորտում համապարփակ բարեփոխումներ իրականացնելու նպատակով, ինչպես նաև Պարենի համաշխարհային կազմակերպության հետ՝ դպրոցական սննդի ապահովման շրջանակում: Նախարարը նաև բարձր է գնահատել «Կրթության՝ մինչև 2030 թվականը զարգացման պետական ծրագրի» նախագծի մշակման շրջանակում ՄԱԿ-ի հայաստանյան գրասենյակի և առանձնահատուկ ՅՈՒՆԻՍԵՖ-ի ցուցաբերած փորձագիտական աջակցությունը՝ ներկայացնելով ռազմավարության հիմնական նպատակները և թիրախները:

Վահրամ Դումանյանն անդրադարձել է նաև կրթություն-աշխատաշուկա կապի ամրապնդման խնդրին՝ մասնագիտական կրթության զարգացման համատեքստում: Նախարարը տեղեկացրել է, որ այս տարի առաջին անգամ փորձ է արվել վերանայել ըստ մասնագիտությունների բուհերի պետպատվերի տեղերի բաշխման քաղաքականությունը՝ այս հարցում կարևորելով երկու շահագրգիռ կառույցների՝ Էկոնոմիկայի և Աշխատանքի ու սոցիալական հարցերի նախարարությունների հետ ներկայում ընթացող ակտիվ երկխոսությունը:

Հայաստանում ՄԱԿ-ի մշտական համակարգող Լիլա Պիտերս Յահիայն իր հերթին նշել է, որ ԿԳՄՍ նախարարությունը ներկայում թևակոխել է մեծածավալ բարեփոխումների փուլ՝ ընդգծելով, որ առանց կրթության հնարավոր չէ զարգացում, և հենց կրթությունն է ցանկացած երկրի զարգացման առանցքը: Նա հատկապես կարևորել է վաղ մանկության զարգացման և ՄԿՈՒ ոլորտում իրականացվող բարեփոխումների, ինչպես նաև մասնավոր հատվածի հետ համագործակցության անհրաժեշտությունը՝ ՄԿՈԻ ոլորտն առավել գրավիչ դարձնելու նպատակով: Լիլա Պիտերս Յահիայը շեշտել է, որ Հայաստանում ՄԱԿ-ի գրասենյակը և կառույցները պատրաստակամ են աջակցելու բարեփոխումների արդյունավետ իրականացմանը:

Անդրադառնալով մշակութային ժառանգության խնդրին՝ Վահրամ Դումանյանը Հայաստանում ՄԱԿ-ի մշտական համակարգողի ուշադրությունն է հրավիրել Ադրբեջանի վերահսկողության ներքո անցած տարածքներում հայկական մշակութային ժառանգությանը սպառնացող վտանգի վրա: Նախարարը հույս է հայտնել, որ ՅՈՒՆԵՍԿՕ-ի աջակցությամբ հնարավոր կլինի ապահովել այդ ժառանգության անձեռնմխելիությունը, քանի որ դրանք համամարդկային նշանակության արժեքներ են:

Հանդիպման ավարտին Լիլա Պիտերս Յահիայը տեղեկացրել է, որ այս տարի ՄԱԿ-ը գլխավոր քարտուղար Անտոնիո Գուտիերեշի նախաձեռնությամբ նախատեսում է կրթության հարցերով գագաթաժողով՝ կրթության ոլորտի համաշխարհային ռազմավարություն մշակելու նպատակով, ինչպես նաև այն ակնկալիքով, որ ՄԱԿ-ի անդամ երկրները կավելացնեն իրենց ՀՆԱ–ներում կրթությանը հատկացվող մասնաբաժինը:

Հանդիպմանը արծարծվել են նաև երկուստեք հետաքրքրություն ներկայացնող այլ հարցեր: