Կտրորե՛ն մեզ, վտանգավոր մարդկանց ոտքերին ենք փաթաթվել․ լքեցին մեզ ռուսները, գենոցիդ եղավ․ Ազատ Արշակյան. ՏԵՍԱՆՅՈՒԹ

Factor TV-ի հարցազրույցը հասարակական-քաղաքական գործիչ Ազատ Արշակյանի հետ

-Պարո՛ն Արշակյան, ՌԴ նախագահ Վլադիմիր Պուտինն Ուկրաինայի վրա հարձակումը բնութագրել է իբրև «հակաֆաշիստական գործողություն», որի նպատակն Ուկրաինայի ապառազմականացումն է։ Պուտինը կարծում է, որ ուկրաինացի ազգայնական ուժերն ատոմային ռումբ են ստեղծելու և ՌԴ-ի հետ բախվելու նպատակ ունեն։ Ո՞րն է իրականում ՌԴ-ի ղեկավարության նպատակը, ինչո՞ւ այս արյունալի միջոցին գնացին։

-ՌԴ նախագահի հայտարարությունը ենթադրում է, որ կան պետություններ, որոնք իրավունքներ ավելի շատ ունենք, քան այլ պետություններ։ Օրինակ՝ եթե ՌԴ-ն ունի իրավունք անվտանգության, միջուկային զենք ունենալու, ինչ քանակությամբ որ ուզում է, հենց այդ քանակությամբ ունենա, իսկ Ուկրաինան այդ իրավունքները չունի։ Այդ մասին է այդ հայտարարությունը։

-Այո՛, բաց է հայտարարում Պուտինն այդ մասին, թե Ուկրաինան ծրագրում է հետագայում միջուկային զենք ունենալ։

-Բայց երևի հիշենք մեր դառը փորձը․ հենց Հայաստանը դարձավ հարթակ, որտեղ բախվեցին Ռուսաստանը և ՆԱՏՕ-ն։ Արցախում բախվեց ՆԱՏՕ-ն՝ ի դեմս իր դաշնակից Թուրքիայի, և ՌԴ-ն՝ ի դեմս իր դաշնակից ՀՀ-ի և Արցախի։ Եվ ՌԴ-ն պարտվեց այդ բախման մեջ, իսկ ՆԱՏՕ-ն հաղթեց, որը մինչ այդ իրավունք չուներ Կասպից ծով դուրս գալու, Արաքսն անցնելու իրավունք չուներ, հիմա նա ունի դրա իրավունքը և նույնիսկ ռազմական ներկայություն ունի Ադրբեջանում։ Այսինքն՝ Ադրբեջանը ռուսական ազդեցության տարածքից տեղափոխվեց ՆԱՏՕ-ի ազդեցության տարածք։ Ուկրաինան հաջորդ թատերաբեմն է, ուր բախվում են ՆԱՏՕ-ն և ՌԴ-ն։ Այդ հայտարարությունը Պուտինի, որ Ուկրաինայի իշխանությունը նացիստական է, դրա համար հատուկ գնահատողներ կան։ Ինքը չի որոշում դա, ՄԱԿ-ն է որոշում։

-ՌԴ-ն նաև մեղադրում էր Ուկրաինային ցեղասպան քաղաքականության մեջ, սակայն ՄԱԿ-ի գլխավոր քարտուղարը հերքել է ցեղասպանության առկայությունը։

-Ուկրաինան ակնհայտորեն ավելի ժողովրդավարական պետություն է, քան հենց ՌԴ-ն է։ Կա ԵԱՀԿ-ի գնահատականը։

-Բայց իսկապե՞ս ՆԱՏՕ-ն և ՌԴ-ն են բախվել Ուկրաինայի տարածքում․ Հյուսիսատլանտյան դաշինքը հայտարարել է, որ իր ուժերը ներկայացված չեն այս պատերազմում և չի միջամտելու։

-ՆԱՏՕ-ն հայտարարում է, որ եթե համապատասխանի անհրաժեշտ պայմաններին, ուրեմն՝ իր դռները բաց են նրա առաջ։ Ուկրաինան ունի հրավեր՝ միանալու այդ անվտանգության համակարգին։ ՌԴ-ն ճիշտ հակառակն է ասում, որ համաձայն չէ ՆԱՏՕ-ի՝ իր սահմաններին մոտենալուն։ Նրանք այդտեղ են բախվում։ Իհարկե՝ կռիվը ՌԴ-ի էթնիկ թաթարների, մարդվինների և ուկրաինացիների միջև է։ ՌԴ-ն պաշտոնապես դիմել է ՆԱՏՕ-ին, որ ինքն անհանգստացած է։

-Պուտինի մտավախությունը՝ անվտանգային վախերը ՆԱՏՕ-ից, արդարացվա՞ծ են։

-Արդարացված են, որովհետև ինքն այլ նպատակներ ունի․ կա իմպերիական նպատակ։ Եթե ինքը նպատակ ունի զավթելու Ուկրաինան, և հանկարծ ՆԱՏՕ-ի շարքերն է անցնում Ուկրաինան, ինքը չի կարող դա անել։

Հարցազրույցն ամբողջությամբ՝ տեսանյութում։

Ռոբերտ Անանյան