ՄԱԿ-ի Անվտանգության խորհուրդը քննարկել է Ուկրաինայի արևելքում իրավիճակի սրումը

Լուրեր

18.11.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
18.11.2026 | 23:16
Աբրահամ Խաշմանյանը վերադարձել է մարզչական աշխատանքի
18.11.2026 | 23:03
Ադրբեջանի իշխանությունները պետք է անհապաղ և անվերապահորեն ազատ արձակեն խոսքի ազատության իրավունքն իրացնելու համար բանտարկվածներին․ Amnesty International
18.11.2026 | 22:51
Հայտնի են հոգեբանների և արտադպրոցական հաստատությունների մանկավարժների կամավոր ատեստավորման օրերը
18.11.2026 | 22:35
Հայ մարմնամարզիկները ոսկե ու արծաթե մեդալներ են նվաճել միջազգային մրցաշարում
18.11.2026 | 22:21
ՌԴ-ն Լեհաստանի տարածքում դիվերսիա էր ծրագրել՝ պատասխանատվությունը Կիևի վրա բարդելու համար․ Rzeczpospolita
18.11.2026 | 22:08
Եկեք գնանք ժողովրդին հարցնենք, մնացածն ի՞նչ կապիկություն է․ Միրզոյանը՝ Դավթյանին. ՏԵՍԱՆՅՈՒԹ
18.11.2026 | 21:55
Աստղագիտության միջազգային բաց օլիմպիադայում ՀՀ թիմն արժանացել է 6 մեդալի
18.11.2026 | 21:44
Պայմանագրային զինծառայող է մահացել
18.11.2026 | 21:35
Իսրայելի խորհրդարանը նոր խոսնակ ունի․ նրան աջակցում են Նեթանյահուի հակառակորդները
18.11.2026 | 21:24
Կոտայքի մարզում վթարային ջրանջատում կլինի
18.11.2026 | 21:13
GTA VI-ը պաշտոնապես թողարկվել է
18.11.2026 | 21:00
Փաշինյանը ԵՄ-ին անդամակցելուց խոսեց՝ բարձրացնելով Պուտինի հետ սակարկության գինը․ Նարինե Մկրտչյան․ ՏԵՍԱՆՅՈՒԹ
18.11.2026 | 20:50
ՀՀ-ն 250 մլն եվրոյի նոր վարկ է վերցնում
18.11.2026 | 20:40
Էդուարդ Բաբայանը՝ «Գործարար»-ի ցուցակով․ ով ում հետ է բացառում կոալիցիան Աբովյանում
Բոլորը

Ռուսաստանի կողմից Դոնբասի անջատականների կողմից վերահսկվող շրջանների անկախության ճանաչումը խախտում է Ուկրաինայի ինքնիշխանությունն ու տարածքային ամբողջականությունը, հայտարարել է ՄԱԿ-ի գլխավոր քարտուղարի տեղակալ Ռոզմարի Դիկարլոն ռուս-ուկրաինական հակամարտության հարցով կազմակերպության Անվտանգության խորհրդի արտահերթ նիստում, որը գումարվել է փետրվարի 21-ի լույս 22-իս գիշերը, գրում է DW-ի ռուսական ծառայությունը։

Դիկարլոի խոսքով՝ «լայնածավալ հակամարտության վտանգը իրական է և պետք է ամեն գնով կանխվի»: ՄԱԿ-ի ամենաազդեցիկ մարմնի նիստի անցկացումը այսքան ուշ ժամի արտացոլում է Մոսկվայի գործողությունների լրջությունը», – ասել է նա: Հակամարտությունը պետք է կենտրոնանա ռազմական գործողությունների դադարեցման վրա, ընդգծել է ՄԱԿ-ի գլխավոր քարտուղարի տեղակալը։

«ԴԺՀ»-ի և «ԼԺՀ»-ի ինքնահռչակ հանրապետությունների անկախության ճանաչման մասին Պուտինի հեռուստատեսային ելույթը «վրդովեցնող, կեղծ հայտարարությունների շարք էր», որի նպատակն էր «պատերազմի պատրվակ ստեղծել», ասել է ՄԱԿ-ում ԱՄՆ մշտական ներկայացուցիչ Լինդա Թոմաս-Գրինֆիլդը:

Ըստ Թոմաս-Գրինֆիլդի՝ Պուտինը «պատառոտել է մինսկյան պայմանավորվածությունները», իսկ Մոսկվայի ներկայիս գործողությունները «բացահայտորեն հիմք են հանդիսանում Ուկրաինա հետագա ներխուժման համար պատրվակ ստեղծելու փորձի համար»։ «Ռուսական գործողությունների հետևանքները սարսափելի կլինեն Ուկրաինայի, Եվրոպայի և ամբողջ աշխարհի համար»,- իր ելույթում զգուշացրել է Թոմաս-Գրինֆիլդը։

ԱՄՆ մշտական ներկայացուցչի խոսքով՝ ՌԴ նախագահը «փորձության է ենթարկում մեր միջազգային համակարգը, նա փորձության է ենթարկում մեր վճռականությունը»։ Պուտինը մտադիր է ցույց տալ, որ կարող է ուժով «ՄԱԿ-ը վերածել ֆարսի»։ «Մենք պետք է միասին գործենք՝ ի պատասխան այս ճգնաժամի», – ասել է Թոմաս-Գրինֆիլդը։

Նա հավելել է, որ արդեն փետրվարի 21-ին ԱՄՆ նախագահ Ջո Բայդենը պատժամիջոցներ է կիրառել Արևելյան Ուկրաինայում ԱՄՆ քաղաքացիների ներդրումների և այլ բիզնես գործունեության նկատմամբ, իսկ փետրվարի 22-ին Վաշինգտոնի քայլեր կձեռնարկի՝ «Ռուսաստանին պատասխանատվության ենթարկելու համար՝ միջազգային իրավունքի ակնհայտ խախտման համար»:

Իր հերթին Չինաստանի մշտական ներկայացուցիչ Չժան Ջունը հակամարտող բոլոր կողմերին զսպվածության և երկխոսության կոչ է արել։ Պեկինը հուսով է, որ կողմերը «կառուցողական դիրքորոշում կորդեգրեն» և «ճանապարհային քարտեզ և ժամանակացույց կկազմեն Մինսկի պայմանավորվածությունների անհապաղ կատարման համար», – ասել է չինացի պաշտոնյան։ Նա չի մեկնաբանել պաշտոնական Պեկինի վերաբերմունքը Ռուսաստանի կողմից այսպես կոչված «ԴԺՀ-ի» և «ԼԺՀ»-ի ճանաչմանը, ինչպես նաև ՌԴ նախագահի՝ այնտեղ ռուսական զորքեր ուղարկելու մասին հրամանին։

Մինչդեռ ՄԱԿ-ում Ռուսաստանի մշտական ներկայացուցիչ Վասիլի Նեբենզյան կոչ է արել իր գործընկերներին «խելքի գալ,, մի կողմ դնել զգացմունքները» և չսրել իրավիճակը։ Մոսկվան դեռ բաց է դիվանագիտական լուծման համար, սակայն մտադիր չէ «թույլ տալ նոր արյունալի ջարդ» Դոնբասում, ասել է նա։

ՄԱԿ-ի Անվտանգության խորհրդի նիստի մեկնարկից քիչ առաջ Ուկրաինայի նախագահ Վլադիմիր Զելենսկին հեռուստաուղերձում ասել է, որ Ռուսաստանի գործողությունները չեն վախեցրել Ուկրաինային, և նա հավատարիմ է մնում խաղաղ կարգավորման ճանապարհին։ «Մենք մեր հողի վրա ենք, ոչ մեկից և ոչնչից չենք վախենում, ոչ մեկին ոչինչ պարտական չենք և ոչ մեկին ոչինչ չենք տա», – ընդգծել է Զելենսկին։

Ավելի վաղ՝ փետրվարի 21-ին, Վլադիմիր Պուտինը նախ հայտարարել է, որ Ռուսաստանը ճանաչում է այսպես կոչված «ԴԺՀ»-ի և «ԼԺՀ»-ի անկախությունը։

Տաթև Ֆռանգյան