29.03.2026 | 22:16
Հրդեհ ավտոմեքենայում․ տուժածներ չկան
Էրդողանը սպառնում է պատժել թուրքական լրատվամիջոցներին՝ «վնասակար բովանդակության» համար
Քաղաքականություն
31.01.2022 | 23:30
Թուրքիայի նախագահ Ռեջեփ Թայիփ Էրդողանըսպառնացել է թուրքական լրատվամիջոցներին իրավական պատասխանատվության ենթարկել՝ «ազգային և բարոյական արժեքներին անհամատեղելի» բովանդակության համար, ինչը քննադատների կողմից դիտվում է որպես այլախոհությունը խեղդելու փորձ, գրում է AFP-ն։
Նա նաև պաշտոնանկ է արել արդարադատության նախարարին ու վիճակագրական ծառայության ղեկավարին այն բանից հետո, երբ վերջինը հրապարակել էր անցյալ տարվա գնաճի տվյալները, ըստ որի՝ այն 19 տարվա մեջ հասել է առավելագույնին։
Թուրքիայի նախագահն իր հրամանագրում նշել է, որ «անհրաժեշտություն է դարձել միջոցների ձեռնարկումը՝ պաշտպանելու ընտանիքներին, երեխաներին ու երիտասարդներին վնասակար մեդիայից»։ Նա կոչ է արել իշխանություններին «իրավական միջոցներ ձեռնարկել որոշ լրատվամիջոցների բովանդակության «վնասակար ազդեցության դեմ»՝ առանց բացահայտելու, թե ինչ է այն ենթադրում։
Քննադատները նշում են, որ սա մեկ այլ միջոց է խոսքի ազատությունը ճնշելու՝ հաջորդ տարվա ընտրություններին ընդառաջ։
Երկարամյա աշխատանքային փորձ ունեցող լրագրող, լրատվամիջոցների օմբուդսմեն Ֆարուք Բիլդիրիջին մեղադրել է Էրդողանին՝ «լրատվամիջոցների դեմ արտակարգ դրություն» հայտարարելու համար։
Իրավապաշտպան կազմակերպություններն էլ մշտապես մեղադրում են Թուրքիային խոսքի ազատությունը խոչընդոտելու համար՝ լրագրողներին ձերբակալություններով ու քննդատական լրատվամիջոցները փակելու միջոցով, հատկապես՝ 2016թ․ ռազմական հեղաշրջման փորձից հետո։
Էրդողանը, սակայն, շարունակում է հրապարակավ սպառնալ ու վիրավորել լրագրողներին։ Մասնավորապես, օրերս նա նշել էր, թե հայտնի հեռուստալրագրող Սեդեֆ Քաբաշն անպատիժ չի մնա այն բանից հետո, երբ կալանավորվել է իրեն վիրավորելու համար։
Էմմա Չոբանյան
