Թուրքերի կեսից ավելին ցանկանում է արտասահմանում ապրել կամ սովորել. նոր սոցհարցում

Թուրքերի 53 տոկոսը կցանկանար ապրել կամ սովորել արտասահմանում։ Այս մասին են վկայում MetroPoll ընկերության վերջին հարցումները, գրում է turkishminute-ը։ Համացանցում հրապարակվել են «Ապրել արտերկրում» վերագրով բաժնի արդյունքները։

Երբ մարդկանց հարցրել են «Կցանկանայիք ապրել կամ սովորել արտասահմանում» հարցածների 53,0 տոկոսն ասել է այո, մինչդեռ 44,8-ը՝ ոչ։ Միայն հարցածների 2,1 տոկոսն է ասել է, որ գաղափար չունի կամ որոշել է չպատասխանել։

Հարցումը ցույց է տալիս, որ իշխող Արդարություն ու զարգացում կուսակցության ու նրա դաշնակից ՝ աջ ծայրահեղ Ազգայնական շարժում կուսակցության ընտրողները ավելի քիչ են հկված դրսում ապրելու կամ սովորելու, ԱԶԿ-ի ընտրողների միասյ 21,4 տոկոսը և MHP-ի ընտրողների 29,7 տոկոսն է ասել է, որ կընտրեն օտար երկրում ապրելը կամ սովորելը։
Ընդդիմադիր կուսակցությունների կողմնակիցների շրջանում այս ցուցանիշը զգալիորեն ավելի բարձր է հիմնական ընդդիմադիր Ժողովրդահանրապետական կուսակցության (CHP) ընտրողների 76,1 տոկոսը, İYİ (Լավ) կուսակցության կողմնակիցների 57,1 տոկոսը և Ժողովրդավարություն և առաջադիմություն կուսակցության (DEVA) ընտրողների 62,5 տոկոսը ընտրել են կյանքը կամ կրթությունը արտասահմանում։

Այս ցուցանիշը ամենաբարձրն է Քրդամետ Ժողովուրդների դեմորկրատական կուսակցության աջակիցների շրջանում, 82,3 տոկոսն ասել է, որ կնախընտրեր ապրել կամ սովորել դրսում։

Հարցումը նաև ցույց է տալիս, որ տարիքը կարևոր գործոն է մարդկանց որոշման հարցում, քանի որ 18-ից 34 տարեկան հարցվածների 64,3 տոկոսն ասել է, որ կցանկանար ապրել կամ սովորել արտասահմանում:
Նման հարցում անցկացվել է նաև մեկ տարի առաջ և հարցվածների միայն 47,3 տոկոսն էր ասել այո, մինչդեռ 45,9 տոկոսն ասել ոչ, 6,8 տոկոսը կարծիք չէր ունեցել։

Արտասահմանում ապրելու կամ սովորելու ձգտող թուրքերի թվի ակնհայտ աճը կարող է պայմանավորված լինել երկրում տնտեսական ցուցանիշների վատթարացմամբ ու ԱԶԿ-ի իշխանության օրոք աճող գործազրկությամբ։
Նշենք, որ թուրքական լիրայի արժեզրկումների ֆոնին՝ երկրում տնտեսական ճգնաժամ է ու աննախադեպ գնաճ։

Էմմա Չոբանյան