21.04.2026 | 23:25
Եթե յուրաքանչյուրին ձայնագրես, ամեն մեկը մի բան կասի. Կարապետյանը՝ «շուն ու շանգյալ» բնորոշման մասին. ՏԵՍԱՆՅՈՒԹ
Հայկ Մարությանը չի՞ պատրաստվում հեռանալ պաշտոնից․ նա ստորագրել է 100 նոր ավտոբուսի և 100 վերելակի գնման հայտեր
Տնտեսություն
16.12.2021 | 12:17
Երևանի քաղաքապետ Հայկ Մարությանը ստորագրել է ևս 100 նոր ավտոբուսի և 100 վերելակի գնման հայտեր։
«Հաջորդ տարի կունենանք արդեն ընդհանուր 1000 հատ փոխարինված վերելակ, իսկ քաղաքային տրանսպորտի պարկը թարմացրած կլինենք ավելի քան 60%-ով՝ ունենալով արդեն շուրջ 520 նոր ավտոբուս»,- ֆեյսբուքյան գրառմամբ հայտնել է քաղաքապետը։
Մարությանը նաև երևանցիներից շնորհակալություն է հայտնել՝ արձագանքի և ջերմ խոսքերի համար։ Այս գրառումից ակնհայտ է դառնում, որ նա չի պատրաստվում հրաժարական տալ։
Հիշեցնենք, որ երեկ պարզ դարձավ՝ Երևանի ավագանու անդամները Հայկ Մարությանյանին անվստահություն հայտնելու գործընթաց են սկսել՝ նրան պաշտոնանկ անելու համար։ Երևանի ավագանու «Իմ քայլը» խմբակցության ղեկավար Արմեն Գալջյանը Factor.am-ին տեղեկացրել էր, որ քաղաքական կուրսի հետ կապված խնդիր կա։ Թե մասնավորապես ինչ խնդիրների մասին է խոսքը՝ Գալջյանը չմանրամասնեց։ Նշենք, որ քաղաքապետին պաշտոնանկ անելու համար անհրաժեշտ է անդամներից առնվազն 33-ի ստորագրությունը։ Նախնական տվյալով՝ «Իմ քայլ»-ի անդամներից 39-ը արդեն իսկ մասնակցել է ստորագրահավաքին։
Արփի Հակոբյան
