30.06.2026 | 03:40
ԱԱ-2026. Գերմանիան դուրս մնաց պայքարից. ՏԵՍԱՆՅՈՒԹ
Մեր տղաները, հնարավոր է, Բաքվից չցանկանան Հայաստան վերադառնալ. ընդդիմադիր պատգամավոր․ ՏԵՍԱՆՅՈՒԹ
Հասարակություն
13.12.2021 | 11:53
«Գերիների վերաբերյալ իշխանության հայտարարությունը կարող է պատճառ դառնալ, որ նրանք այլևս չցանկանան Բաքվից վերադառնալ Հայաստան»,- այս մասին լրագրողների հետ զրույցում նշեց Ազգային ժողովի «Հայաստան» խմբակցության պատգամավոր Հռիփսիմե Ստամբուլյանը:
«Գերիներին համատարած հերոսացնողն էլ են իրենք եղել՝ առանց նայելու, թե ինչ պարագայում են գերի ընկել այն ժամանակ, ու հիմա էլ ամբողջական կերպով տանում են գերիների ոչ հերոսացման պրոցեսը»,- ասաց պատգամավորը՝ հավելելով, որ սրանով իշխանությունն ակնհայտորեն ադրբեջանական շահն է փաստում։
«Նրանք չեն մտածում, թե ինչ տեղի կունենա հետո, երբ Ադրբեջանը տեսնի, որ տղաներին այստեղ կալանավորում են։ Սա, թերևս, բերելու է մի շատ վատ բանի, որ մեր տղաները կարող են հրաժարվել Հայաստան վերադառնալ ու խնդրեն, որ հայտնվեն որևէ երրորդ երկրում», – նշեց պատգամավորը՝ ընդգծելով նաև, որ սա լրջագույն խնդիր է ու յուրաքանչյուր պետությունն պարտավոր է ապահովել իր երկրի քաղաքացու անվտանգությունն ու գերիներին վերադարձնել հայրենիք։
Մանրամասները՝ տեսանյութում:
