19.12.2025 | 18:00
Թող դատի՛ տան, եթե ԿԳԲ-ի ագենտ լինելու մեղադրանքը զրպարտանք է, կտեսնեն՝ դատարանում ինչ կկատարվի․ ՏԵՍԱՆՅՈՒԹ
Տարածաշրջանի երկրների սահմանների փոփոխությունն անընդունելի է․ Իրանի նախագահ
Քաղաքականություն
16.11.2021 | 18:07
Իրանական կողմը ողջունել է Հարավային Կովկասում իրավիճակի կարգավորման ռուսական նախաձեռնությունն ու հայտարարել, որ տարածաշրջանի երկրների սահմանների փոփոխությունն անընդունելի է։ Այս մասին հայտարարել է Իրանի նախագահ Էբրահիմ Ռաիսին ՌԴ նախագահ Վլադիմիր Պուտինի հետ հեռախոսազրույցի ժամանակ, գրում է ՏԱՍՍ-ը։
«Իրանի նախագահը ողջունել է Կովկասում հանգստություն և կայունություն հաստատելու՝ Ռուսաստանի նախաձեռնությունը։ Աշխարհաքաղաքականության մեջ որևէ փոփոխություն կամ տարածաշրջանի երկրների սահմանների փոփոխությունն անընդունելի է»,- հայտարարել է Իրանի նախագահը։
Ռաիսին ընդգծել է, տարածաշրջանային հարցերի ժամանակ անհրաժեշտ է երկու երկրների համագործակցությունը։
Հիշեցնենք՝ ավելի վաղ Կրեմլը հայտնել էր, որ զրույցի ընթացքում Պուտինը Ռաիսիին տեղեկացրել է Ղարաբաղում հրադադարի ապահովման ուղղությամբ ռուսական կողմի ձեռնարկած միջոցառումների մասին։
Տաթև Ֆռանգյան
