19.12.2025 | 02:04
Կոնֆերենցիաների լիգա․ Վահան Բիչախչյանը՝ գոլի հեղինակ
Անվտանգային հարց չկա.քաղաքացիները կարող են երթևեկել Գորիս-Կապան այլընտրանքային ճանապարհով. Խանդանյան․ ՏԵՍԱՆՅՈՒԹ
Քաղաքականություն
12.11.2021 | 19:21
Երեկ հայտնի դարձավ, որ Գորիս – Կապան ճանապահին ադրբեջանական անցակետ է տեղակայվելու: Արդյո՞ք անվտանգության խնդիր չի առաջանում: Factor.am-ի հետ զրույցում «Քաղաքացիական պայմանագիր» խմբակցության պատգամավոր Սարգիս Խանդանյանը նշեց. «Ճանապարհի այդ հատվածի հետ կապված խնդիրն առաջացել էր դեռևս նախորդ տարվա դեկտեմբերին, ՊՆ հայտարարությամբ հանդես եկավ, որ այդ հատվածում ռուս խաղաղապահներն են հսկողություն իրականացնելու, և մի կողմից՝ հայ, մյուս կողմից՝ ադրբեջանական սահմանապահ ուժերը:
Ակնկալելի էր, որ այս հատվածում կարող են խնդիրներ առաջանալ: Ամռանն այդպիսի խնդիր առաջացավ, երբ ադրբեջանցիներն Իրանի բեռնափոխադրող տրանսպորտային միջոցների նկատմամբ որոշակի հսկողություն էին սկսել իրականացնել և մաքսատուրք գանձել: Եվ մեր կառավարությունը ձեռնամուխ եղավ այլընտրանքային ճանապարհի կառուցմանը, անցած շաբաթվանից այդ ավտոճանապարհը գործում է»:
Պատգամավորը հավելեց, որ եթե անհրաժեշտություն ծագի, Հայաստանը ևս այդ ճանապարհին մաքսակետ կտեղակայի:
Նա նաև ընդգծեց, որ անվտանգային հարց չկա. քաղաքացիները կարող են երթևեկել Գորիս-Կապան այլընտրանքային, ավելի կարճ ճանապարհով:
Մանրամասները՝ տեսանյութում:
