09.06.2026 | 00:17
Մարկո Ռուբիոն շնորհավորել է Փաշինյանին
Ինչու բուժաշխատողները չեն հետաքրքրվում քաղաքացիների՝ հետպատվաստումային վիճակով․ պարզաբանում են քաղաքապետարանի առողջապահության վարչությունից
11.11.2021 | 17:07
Factor.am ահազանգած քաղաքացին հայտնել է, որ «Էրեբունի» ԲԿ-ի պոլիկլինիկայում պատվաստման առաջին դեղաչափը ստացել է, ինչից որոշ ժամանակ անց վիրահատվել է։ Վիրահատությունից հետո բժիշկները հայտնել են, որ դեռևս երկրորդ դեղաչափը ստանալ չի թույլատրվում։ Քաղաքացին հարց է բարձրացնում․ այդ դեպքում ինչո՞ւ պոլիկլինիկայի աշխատակիցներից ոչ ոք չի զանգում և չի հետաքրքրվում երկրորդ դեղաչափը ստանալու մասին։ «Պատվաստման 2-րդ դեղաչափը ստանալու ժամկետը լրացել է, սակայն այս դեպքում էլ որևէ մեկը չի զանգել և հետաքրքրվել՝ ինչու չեմ գնում պատվաստման»,- նշում է քաղաքացին։
Ինչու պոլիկլինիկաների աշխատակիցները չեն հետաքրքրվում քաղաքացիների՝ հետպատվաստումային վիճակով․ այս հարցի պատասխանը փորձեցինք ստանալ Քաղաքապետարանի առողջապահության վարչությունից։
«Աշխատակիցները քաղաքացիների հետ պահում են հետադարձ կապ, պարզապես վերջին ժամանակահատվածում խիստ ծանրաբեռնված են»,- ասաց վարչության պետի օգնականը։ Ստացվում է՝ ծանրաբեռնվածությունն է պատճառը, որ աշխատակիցները չեն զանգում քաղաքացիներին և ճշտում, եթե անցել է պատվաստման երկրորդ դեղաչափը ստանալու նշված ժամանակահատվածը, ապա ինչու չեն գնացել պատվաստման։
Վարչության աշխատակիցը նաև նշեց, որ այս դեպքում վիրահատող բժիշկն էր պարտավոր քաղաքացուն տեղեկացնել՝ թույլատրվո՞ւմ է ստանալ պատվաստման երկրորդ դեղաչափը, թե՞ ոչ։
Արփի Հակոբյան
