23.08.2026 | 20:00
Ձուկը ջրում «բազար անելու» ՇԵՐՏԵՐԸ․ տնտեսվարողը կհասնի՞ Եվրոպա. ՏԵՍԱՆՅՈւԹ
ՄԱԿ-ի միջազգային դատարանը կքննի Հայաստանի և Ադրբեջանի փոխադարձ հայցերը
Քաղաքականություն
01.10.2021 | 12:27
ՄԱԿ-ի միջազգային դատարանը հոկտեմբերի 14-ից լսումներ կանցկացնի «Ռասայական խտրականության բոլոր ձևերի վերացման միջազգային կոնվենցիայի խախտման» վերաբերյալ հայցի շրջանակներում, որը Հայաստանը ներկայացրել է ընդդեմ Ադրբեջանի: Այս մասին հայտնել են դատարանի մամուլի ծառայությունից, գրում է DW-ի ռուսական ծառայությունը։
Ինչպես նշվում է հաղորդագրության մեջ, հոկտեմբերի 14-15-ի լսումները կապված կլինեն Ադրբեջանի դեմ ժամանակավոր միջանկյալ միջոցներ կիրառելու Հայաստանի պահանջի հետ, իսկ հոկտեմբերի 18-19-ին կքննվի Հայաստանի վերաբերյալ Ադրբեջանի նմանատիպ պահանջը:
Հաշվի առնելով COVID-19 համաճարակը՝ նիստերը կանցկացվեն հիբրիդային ձևաչափով։ Որոշ դատավորներ նիստերին կմասնակցեն անձամբ, մյուսները կմիանան տեսակապի միջոցով։ Կողմերի ներկայացուցիչները ևս կկարողնան մասնակցել լսումներին կամ անձամբ կամ տեսակապի միջոցով։
Հիշեցնենք՝ այն բանից հետո, երբ Հայաստանը սեպտեմբերի 16 -ին հայց ներկայացրեց ՄԱԿ -ի Միջազգային դատարան Ադրբեջանի դեմ, անցած շաբաթ Բաքվի կառավարությունը ևս հակընդդեմ հայց ներկայացրեց: Ադրբեջանը Հայաստանին մեղադրում է «էթնիկ զտումների» և, հետևաբար, «Ռասայական խտրականության բոլոր ձևերի վերացման» միջազգային կոնվենցիայի խախտման մեջ: Ինչպես Հայաստանը, այնպես էլ Ադրբեջանը պահանջում են արտակարգ միջոցներ ձեռնարկել իրենց բնակիչների իրավունքների պաշտպանության համար:
Տաթև Ֆռանգյան
