16.02.2026 | 00:04
Հայաստանի գեղասահորդները հաջող մեկնարկեցին Օլիմպիական խաղերում․ ՏԵՍԱՆՅՈՒԹ
ՀԱՊԿ անդամները տարբեր մակարդակի հարաբերություններ ունեն Ադրբեջանի հետ, դա բացահայտում չէ․ Մարկեդոնով․ՏԵՍԱՆՅՈւԹ
Քաղաքականություն
20.07.2021 | 18:50
«Հայաստանի ու Ադրբեջանի միջև հակամարտությունն այդպես էլ պետք է անվանվի՝ հայ-ադրբեջանական հակամարտություն․ Լեռնային Ղարաբաղի հակամարտությունն այս հակամարտության առանցքն էր»,- այս մասին «Լարված սահման. Երասխում կրակոցների ռազմաքաղաքական հետևանքները» թեմայով քննարկման ժամանակ ասաց Մոսկվայի Միջազգային հարաբերությունների պետական ինստիտուտի առաջատար գիտաշխատող, քաղաքագետ Սերգեյ Մարկեդոնովը:
Նրա խոսքով՝ ուշ խորհրդային կամ հետխորհրդային պատմությունը դիտարկելու դեպքում, նկատելի է, որ բռնկումներ եղել են և՛ Նախիջևանի, և՛ Տավուշի ուղղություններում, պայքար է եղել անկլավների շուրջ։
«Լեռնային Ղարաբաղում ստատուս քվոյի ձևափոխումից հետո առաջանում են նոր ուղղություններ: Լեռնային Ղարաբաղի հակամարտությունից դուրս սահմանները դեմարկացված, դելիմիտացված չեն։ Բնականաբար, առաջանում է գայթակղություն»,- նշեց Մարկեդոնովը։
Անդրադառնալով ստեղծված իրավիճակին Ռուսաստանի, ՀԱՊԿ-ի արձագանքին՝ Մարկեդոնովը նշեց, որ ՀԱՊԿ-ի հեռացվածությունը նորություն չէ. « ՀԱՊԿ-ում ներգրավված են տարբեր երկրներ, որոնք տարբեր մակարդակի հարաբերություններ ունեն Ադրբեջանի հետ…
«Կարծում եմ՝ Հայաստանին էլ ընդհանրապես հետաքրքիր չէ Ղրղզստանի ու Տաջիկստանի միջև հակամարտության պատմությունը, ու հազիվ թե նա այնտեղ խառնվի, կամ իրավիճակը Բելառուս-Ուկրաինա սահմանին։ ՀԱՊԿ-ն այսպիսի կառույց է, այնպիսին, ինչպիսին կա»,- ընդգծեց Մարկեդոնովը։
Անդրադառնալով Ռուսաստանին ու նրա ձգտումներին՝ քաղաքագետը նշեց, որ այն չի կարող լինել միանշանակ պրոհայկական, կամ պրոադրբեջանական:
«Ռուսաստանի հետաքրքրությունն այն է, որ դադարեն կրակել, քանի որ որքան շատ կրակեն, այդքան ավելի շատ կլինեն արտաքին տարբեր միջամտությունները, որոնք Ռուսաստանին պետք չեն»,- ընդգծեց Մարկեդոնովը։
Մանրամասները՝ տեսանյութում:
