01.05.2024 | 13:22
Թբիլիսիում բողոքի ակցիայի ժամանակ 63 անձ է բերման ենթարկվել
ԵՄ-ն Բելառուսի դեմ պատժամիջոցների 4-րդ փաթեթն է ընդունել
Քաղաքականություն
21.06.2021 | 13:56
ԵՄ Խորհուրդը ԱԳ նախարարների մակարդակով հաստատել է Բելառուսի 86 ֆիզիկական անձանց ու ընկերությունների դեմ պատժամիջոցների 4-րդ փաթեթը։
Տնտեսական պատժամիջոցների հետագա քննարկումը կշարունակվի հունիսի 24-25-ին ԵՄ ղեկավարների գագաթնաժողովի ժամանակ, դրանք կհաստատվեն արդեն գագաթնաժողովից հետո։ Այս մասին, US news-ի փոխանցմամբ, հայտարարել է ԵՄ արտաքին ու անվտանգության հարցերով գերագույն ներկայացուցիչ Ժոզեպ Բորելը:
«Մենք այսօր համաձայնեցրել ենք Բելառուսի դեմ պատժամիջոցների 4-րդ փաթեթը։ Նոր պատժամիջոցները կվերաբերեն 86 ֆիզիկական անձանց և ընկերությունների»,- հայտնել է նա։
Բորելն ընդգծել է, որ ԵՄ-ն ձգտում է խուսափել տնտեսական պատժամիջոցներից, որոնք «հարվածում են ողջ տնտեսությանն ու բոլոր մարդկանց բարեկեցությանը», սակայն «քանի որ կառավարությունը չի փոխում իր գործողությունների սխեման, մենք պետք է մեծացնենք ճնշումը»։
Տաթև Ֆռանգյան
