30.06.2026 | 03:40
ԱԱ-2026. Գերմանիան դուրս մնաց պայքարից. ՏԵՍԱՆՅՈՒԹ
ՀՀԿ-ն կողմ քվեարկեց. ԱԺ-ն կքննարկի Մարտի 1-ի իրադարձությունները (տեսանյութ)
Քաղաքականություն
27.02.2018 | 11:04
Ազգային ժողովը միաձայն կողմ քվեարկեց «2008 թվականի Մարտի 1- 2-ի իրադարձությունների մասին» հայտարարության նախագիծն ԱԺ նիստերի օրակարգ ընդգրկելու «Ելք» խմբակցության առաջարկին:
Ներկայացնելով «2008 թվականի մարտի 1- 2-ի իրադարձությունների մասին» ԱԺ հայտարարության նախագիծը ԱԺ նիստերի օրակարգ ընդգրկելու «Ելքի» առաջարկը՝ խմբակցության ղեկավար Նիկոլ Փաշինյանը ամբիոնից շեշտեց՝ «Մարտի 1-»ի իրադարձությունների էջը փակված չէ և չի փակվելու այնքան ժամանակ, քանի դեռ բոլոր սպանությունները բացահայտված չեն:
Չնայած ՀՀ ԱԺ պետաիրավական և մարդու իրավունքների պաշտպանության հարցերի մշտական հանձնաժողովը բացասական եզրակացություն էր տվել նախագծին՝ ՀՀԿ-ն աննախադեպ քայլ կատարեց՝ փոխելով դիրքորոշումը: Նախկին գլխավոր դատախազ, հանձնաժողովի ՀՀԿ-ական անդամ Գևորգ Կոստանյանն առաջարկեց նախագիծը ներառել նիստերի օրակարգում և քննարկել հարցը: ՀՀԿ խմբակցության ղեկավար Վահրամ Բաղդասարյանը կողմ քվեարկելու կոչով դիմեց իրենց խմբակցության պատգամավորներին:
«Կարծում եմ, ընդդիմությունը դրական կգնահատի իշխանության այս քայլը»,- արձագանքեց ԱԺ փոխնախագահ Էդուարդ Շարմազանովը։
