Դա իրենց մահապատիժն է․ ՌԴ-ն ու Թուրքիան պատժվելու են Մեղրիի միջանցքի ճեղքման փորձի համար․ Տիգրան Խզմալյան․ ՏԵՍԱՆՅՈՒԹ

Լուրեր

22.11.2026 | 12:13
Փաշինյանը հանդիպել է Digitec 2026-ին մասնակցող ՏՏ ընկերությունների ղեկավարների հետ
22.11.2026 | 11:57
Թրամփը լուսանկար է հրապարակել Պուտինի հետ և կրկին նրան իր ընկերն անվանել
22.11.2026 | 11:45
Հայաստանն ու Լիբանանը պետք է շարունակեն ամրապնդել քաղաքական երկխոսությունը․ Փաշինյանի ուղերձը
22.11.2026 | 11:18
Նոյեմբերի 22-ին Մալաթիա-Սեբաստիա վարչական շրջանի մի շարք հասցեներում ջուր չի լինի
22.11.2026 | 10:58
Վարդենյաց լեռնանցքում ձյուն է տեղում, հանրապետության մի շարք շրջաններում՝ անձրև
22.11.2026 | 10:42
Նոյեմբերի 22-ին Մեղրի քաղաքի և Արարատ գյուղի մի շարք հասցեներում ջուր չի լինի
22.11.2026 | 10:12
Քարի լիճ տանող ճանապարհը փակ է, Լարսը՝ բաց բոլոր տեսակի տրանսպորտային միջոցների համար
22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
Բոլորը

Factor TV-ի հարցազրույցը Ազգային-ժողովրդավարական բևեռի անդամ Տիգրան Խզմալյանի հետ

-Պարո՛ն Խզմալյան, Դուք ԱՄՆ-ի հետ դաշնակցային հարաբերություն հաստատելու գաղափարն եք առաջ քաշում։ Ինչպե՞ս՝ եթե ՌԴ-ն Հայաստանում ունի և՛ քաղաքական, և՛ ռազմական հսկայական ներկայություն, ազդեցություն, արդյո՞ք ինքնիշխանություն և անվտանգություն գաղափարներն այսօր չեն հակադրվում։

-Չի կարող լինել ինքնիշխանություն՝ առանց անվտանգության, և հակառակը, իսկ ռուսները մեզ հարյուր տարի համոզում էին, որ չի կարող լինել ինքնիշխանություն, եթե դուք ուզում եք անվտանգություն։ Դա սուտ է, որն ապացուցվեց և՛ Սումգայիթում, և՛ Բաքվում, և՛ Արցախի տարածքում «Կոլցո» օպերացիայով, և՛ 44-օրյա պատերազմում։ 30 տարի առաջ Ռուսաստանի տարածքում կար մեկ այլ պետություն՝ շատ ավելի հզոր, եթե ՌԴ-ն հիմա 0․8 տոկոսն ունի համաշխարհային տնտեսության, ապա Սովետական Միությունն իր գագաթնակետին մոտ 12 տոկոս ուներ, լուրջ տնտեսության մաս էր կազմում, էլ չեմ ասում՝ ռազմական հզորությունը, և այդ ամբողջ ուժը հօդս ցնդեց՝ 69․000 տանկ ունեցող երկիրը քանդվեց առանց մի կրակոցի։

– Դուք համաձայն չե՞ք՝ քանի դեռ Արցախի հարցը չի լուծվել, Հայաստանն իրական ինքնիշխանության մասին մտածել չի կարող։

–Արցախյան հարցը լուծվելու է Մինսկի խմբում՝ մարդու իրավունքների, ինքնորոշման սկզբունքներով։

-Դուք իսկապե՞ս հավատում, որ Մինսկի խմբում լուծում է լինելու։

-Այո՛։

-Ինչպե՞ս, եթե Մինսկի խմբում գերտերությունների շահերի հակադրություն է։

-ՌԴ-ին պարզապես ստիպում են։ Մենք շատ շուտով կտեսնենք, որ ՌԴ-ն ո՛չ միայն այստեղից է հեռանալու, այլ հեռանալու է ամեն տեղից։ Ես նաև նկատի ունեմ «պուտինյան ռեժիմը», որը հեռանալու է Ռուսաստանից։ Նրան մնացել են շաբաթներ և ամիսներ։ Եթե չլիներ կորոնավիրուսը, որը սառեցրեց համաշխարհային քաղաքական գործընթացները․․․ դա աննախադեպ բան էր, չէ՞, երբ ամեն ինչ փակվեց, ո՛չ միայն տրանսպորտային համակարգը, այլև կանգնեցվեցին քաղաքական պրոցեսներ։ Դրանից հմտորեն և նենգորեն օգտվեցին Թուրքիան, Ռուսաստանը և Ադրբեջանը, սակայն այդ հաղթանակը «Պյուռհոսյան» էր։ Իրենք հիմա պատժվելու են դրա համար, և հատկապես՝ Արցախյան պատերազմի, և մասնավորապես՝ Մեղրիի միջանցքի ճեղքման փորձի համար, դա իրենց մահապատիժն է լինելու՝ «Պուտինյան Ռուսաստանի» և «Էրդողանյան Թուրքիայի»։

-«Ճեղքման փորձ» ասելով՝ ի՞նչ նկատի ունեք, առաջիկայում ինչ-որ վտա՞նգ եք կանխատեսում։

–Ես նկատի ունեմ, որ նրանց ծրագրերը՝ կապել Ադրբեջանը Թուրքիայի հետ ցամաքով՝ Հայաստանի տարածքով, թելադրել Հայաստանին տրանսպորտային, կործանարար միջանցքը, դա չի լինելու։

–Ինչո՞ւ եք նվաստացուցիչ համարում, եթե տարածաշրջանի կոմունիկացիաների ապաշրջափակման պարագայում Հայաստանն Ադրբեջանի տարածքով Ռուսաստանի հետ կապ կունենա, եթե Թուրքիան բացի սահմանները, Հայաստանը նույն Եվրամիության երկրների հետ կարող է առևտուր անել՝ ծովային ճանապարհն օգտագործելով։ Սա չի՞ կարող փոխշահավետ գործարք լինել, ՀՀ-ին չե՞ն պատժել՝ փակելով սահմանները։

–Մեզ պատժել են, այո՛, և մենք չփորձեցինք գտնել այլ ճանապարհ, իսկ այլ ճանապարհ, այլընտրանք կա, և դա Իրանի, Վրաստանի, Ուկրաինայի միջանցքն է, դա հարավ-արևելյան Եվրոպայի բացումն է, որտեղ Հայաստանը խաղում է առանցքային դեր։ Մենք բացում ենք Իրանի հետ ճանապարհը Եվրոպայի համար, մենք կամուրջ ենք, մենք ֆորպոստ չենք, սա է մեր ճանապարհը։

– Տնտեսական զարգացումը չէ՞ նաև ինքնիշխանության հիմքերից մեկը։ Ինչքան պետությունը բաց լինի աշխարհի առաջ՝ ներդրումներ գան, փորձես առևտրային խաչմերուկ դառնալ, նաև քո կարևորությունը՝ որպես պետության, կմեծանա, այդպես չէ՞։

– Իշխանության գալուց հետո մենք հաշված շաբաթների ընթացքում կրկնապատկելու ենք Հայաստանի տնտեսական հնարավորությունները, գոնե շնորհիվ մեկ բանի՝ մենք հրաժարվելու ենք աշխարհի ամենաթանկ գազը գնելուց ՌԴ-ից և գնելու ենք երեք անգամ ավելի էժան գազ ՀՀ բնակչության համար Իրանից, ինչպես նաև՝ նավթամթերք։

-Դուք մոռացե՞լ եք, որ Իրան-Հայաստան գազատարի խողովակը բավականին նեղ է, շատ տարողունակ չէ։

-Ես չեմ մոռացել, բայց այդ խողովակը կառուցելու համար այսօրվա տեխնոլոգիաներով պետք են շաբաթներ և Իրանը, Չինաստանը, ԵՄ-ն ունեն այդ տեխնոլոգիաները, դա շատ արագ լուծվող հարց է։

Հարցազրույցն ամբողջությամբ՝ տեսանյութում։

Ռոբերտ Անանյան