Արյան, իրար վրա կրակելու վտանգ եմ տեսնում․ կարմիր գիծ է պետք քաշել․ Թևան Պողոսյան․ ՏԵՍԱՆՅՈՒԹ

Լուրեր

22.11.2026 | 12:13
Փաշինյանը հանդիպել է Digitec 2026-ին մասնակցող ՏՏ ընկերությունների ղեկավարների հետ
22.11.2026 | 11:57
Թրամփը լուսանկար է հրապարակել Պուտինի հետ և կրկին նրան իր ընկերն անվանել
22.11.2026 | 11:45
Հայաստանն ու Լիբանանը պետք է շարունակեն ամրապնդել քաղաքական երկխոսությունը․ Փաշինյանի ուղերձը
22.11.2026 | 11:18
Նոյեմբերի 22-ին Մալաթիա-Սեբաստիա վարչական շրջանի մի շարք հասցեներում ջուր չի լինի
22.11.2026 | 10:58
Վարդենյաց լեռնանցքում ձյուն է տեղում, հանրապետության մի շարք շրջաններում՝ անձրև
22.11.2026 | 10:42
Նոյեմբերի 22-ին Մեղրի քաղաքի և Արարատ գյուղի մի շարք հասցեներում ջուր չի լինի
22.11.2026 | 10:12
Քարի լիճ տանող ճանապարհը փակ է, Լարսը՝ բաց բոլոր տեսակի տրանսպորտային միջոցների համար
22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
Բոլորը

Factor TV–ի հարցազրույցը Մարդկային զարգացման միջազգային կենտրոնի ղեկավար Թևան Պողոսյանի հետ

-Պարո՛ն Պողոսյան, հունիսի 20-ին արտահերթ ընտրություններ են սպասվում, և քաղաքական մթնոլորտը մեղմ ասած՝ լարված է։ Վերջին աղմկոտ միջադեպը Սյունիքում էր, երբ Նիկոլ Փաշինյանի տեղաշարժը խոչընդոտվեց, հայհոյանքներ տեղացին։ Ո՞ւր ենք գնում՝ ընտրարշավում արյան, իրար վրա կրակելու, դանակահարելու վտանգ Դուք տեսնո՞ւմ եք։

-Այո, ցավոք սրտի տեսնում եմ և ամեն օրով դա ավելանում է։ Այստեղ էլ ինձ կարո՞ղ եք բացատրել՝ պետական ռեպրեսիվ մեխանիզմները ինչի՞ են գործադրվում, որովհետև քաղաքական իմաստով ես չեմ ընդունում, որ ՀՀ որևէ իշխանության անպատվեն փողոցում, այդպիսի բառապաշար օգտագործեն, այն էլ այն բառապաշարը, որ մեր ազգային գաղափարների մեջ՝ դրա համար տղամարդը պետք է իր պատիվը պահի։ Դա ինձ համար անթույլատրելի է։ Բայց դրա հետ միասին պետք է լինի գիտակցում՝ «Ես էլ չնպաստեմ այդ գործողությանը»։

-Փաշինյանը նպաստել է, որ իրեն հայհոյե՞ն։

-Բա էդ ընտրողները չէի՞ն, Սյունիքի մեծ մասը էնտեղ էր, էնտեղով որ քայլում էր, որ մարդիկ գործողություն էին անում, ո՞վ էր նպաստում, ե՞ս։ Դիցուք՝ պատկերացնենք, որ ինքը չի մեկնել Սյունիք, լսելո՞ւ էիք դա։

–Բայց այստեղ ուրիշ հարց կա՝ պետության ղեկավարը չի՞ կարող, իրավունք չունի՞ մեկնել հանրապետության այս կամ այն շրջան։

-Կարող է, բայց եթե գիտի իրավիճակը, պետք է իրավիճակից ելնի։ Երկրի ղեկավարն էնքան բան կարող է անել։ Կարող է նույն ձև ստորագրել իր հրաժարականը և հեռանալ, գնալ իրենց տուն։ «Կարողաների դաշտը» եթե նայենք, ինքն էնքա՛ն բան կարող է անել։ Հիտլերն էլ ուրիշ բան է «կարող է»-ով արել, երբ երկիրը բերել է Գերմանիան ավերվածությունների հասցրել։

–Բայց ներհասարակական թշնամանքի հարցը միակողմանի չի, չէ՞, պարո՛ն Պողոսյան։

–Միակողմանի չի այլևս, ես դրա համար եմ ասում՝ մինչև կարմիր գիծը չքաշենք, մենք ավելի ենք խորացնելու այն։ Վերջիվերջո՝ մեկը պետք է իր վրա ստանձնի պատասխանատվություն և անի։ Հիմա, որ ասում են «Բումերանգ է», դա էլ չեն չէ՞ սուտ ասում։ Գործողությունների մեծ մասը կատարվում է ընդդեմ իշխանությունների, մեկին մեկ կրկնում են այն գործողությւոնները, որոնք կատարվում էին 2018 թվականին և այն ժամանակվա նախաձեռնողների կողմից կամ չէին դատապարտում, եթե իհարկե՝ իրենք չէին նախաձեռնում, բայց դատապարատում էլ չէինք հիշում։

-Ինչի՞ց պետք է սկսվի ներհասարակական հաշտեցումը, ձևավորվի այն մթնոլորտը, որ քաղաքական ուժերը բանավիճեն պետության ապագայի մասին, ոչ թե իրար ոչնչացնել ուզենան։

–Երբ որ զգալով քաղաքական պատասխանատվությունը, կձևավորվի այդ սենյակը, որտեղ մարդիկ կմտնեն և եթե այդ սենյակը մտնելու և կարմիր գծերը որոշելու համար պետք է, ես հեռանամ, ես կհեռանամ։ Լևոն Տեր-Պետորսյանը, որպեսզի ձևավորվեին նոր մոտեցումներ, հեռացավ չէ՞ խաղաղ, բացի դրանից՝ մի շատ կարևոր բան արեց՝ աշխարհի համար կարմիր գիծ ներկայացրեց՝ ՀՀ իշխանության հանդեպ սրանից ավելի ճնշումը բերելու է այսպիսի իրավիճակի։ Հիմա մենք միջազգային հարաբերություններում մեր հանդեպ ճնշումների մակարդակի գիծ չենք ձևավորում։ Կարող են գալ, կոտորել, ոչ ոք ոչինչ չխոսի, արհամարհեն, 44 օր ոչ մի բանի տեղ չդնեն, բերեն 5000 զոհեր և 10 000 վիրավոր, էս ամեն ինչի կորուստների մեջ, և ասեն՝ իշխանություն չի փոխվում, կասեն՝ տղաներ ջան, մենք էլ ի՞նչ կարող ենք անել։

Հարցազրույցն ամբողջությամբ՝ տեսանյութում։

Ռոբերտ Անանյան