14.01.2026 | 23:33
Կառավարությունը փոփոխություն է առաջարկում ավագանու անդամների հրաժարականի կարգում
The Washington Post-ի հրապարակումները Հայոց ցեղասպանության մասին՝ կոտորածների նկարագրություններով․ ՏԵՍԱՆՅՈՒԹ
Քաղաքականություն
16.04.2021 | 20:07
10․000 էջ՝ Հայոց ցեղասպանության մասին։ Ցեղասպանության թեմային ամերիկյան մամուլը ժամանակին անդրադարձել է, նույնիսկ ավելի մանրամասն, քան այսօր անդրադառնում է արցախյան պատերազմին։ Այդ մասին է վկայում ցեղասպանությունն ամերիկյան մամուլում հոդվածների այս մատենաշարը։ Այսօր 6-րդ և 7-րդ հատորների շնորհանդեսն էր, ևս 3-ը դեռ հրապարակվելու են։
Ավստրալահայ Արա Քեթիբյանը մատենաշարի հեղինակներից է։ Արդեն 14 տարի է, ինչ հավաքագրում է հոդվածները։ Դեռ մի քանի տարի էլ կա, որ ավարտեն։ Նշում է՝ ամերիկյան մամուլը բավական ակտիվ է անդրադարձել հայկական հարցին ու օբյեկտիվորեն լուսաբանել նաև կոտորածը։
6-րդ և 7-րդ հատորներում The Washington Post-ում 1890-1922թթ․ հրապարակված հոդվածներն են։ Միայն 1916-1922թթ․-ը 1․200 հոդված է հրապարակվել՝ կոտորածների նկարագրություններով ու հայերին օգնելուն ուղղված դրամահավաքի կոչերով։
Թանգարանի ներկայացուցիչներն արտերկիր բոլոր պաշտոնական այցերի ժամանակ այս մատենաշարից են նվիրում, հատորներն արդեն կան Օքսֆորդի, Քեմբրիջի, Բոստոնի, Նոր Զելանդիայի, Ավստրիայի համալսարաններում։ Հատորներից մեկը, որն ադրբեջանցիների ցեղասպան գործողություններին է վերաբերվում, նախատեսվում է թարգմանել նաև ռուսերեն։
Մանրամասները՝ տեսանյութում։
Իրինա Մկրտչյան
