18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Սևանա լճում սիգի որսի թույլատրելի քանակը կրճատվել է. ՇՄՆ վարչության պետ. ՏԵՍԱՆՅՈՒԹ
Հասարակություն
29.03.2021 | 12:58
Հիմք ընդունելով Սևանա լճի մասին օրենքը և կարևորելով Սևանա լճի կենսապաշարի կայուն օգտագործման հարցերը, 2020թ. Շրջակա միջավայրի նախարարությունը մշակել և կառավարությանն է ներկայացրել նախագիծ Սևանա լճում ձկան արդյունագործական որսի տարեկան չափաքանակների և արդյունագործական որսի որակի բնութագրերի մասին: 2020 թվականի համար սահմանվել էր 300 տ սիգի չափաքանակ: Այս մասին այսօր հրավիրված ասուլիսում նշեց Շրջակա միջավայրի նախարարության Բնության հատուկ պահպանվող տարածքների և կենսաբազմազանության քաղաքականության վարչության պետ Ոսկեհատ Գրիգորյանը:
Նրա խոսքով՝ կնքվել է 205 պայմանագիր՝ 236 տ սիգի որսի ընդհանուր պաշարով, սակայն փաստացի որսացվել է 204 տ սիգ: Որսի գործընթացի կանոնակարգման համար մշակվել և ներդրվել են պարտադիր պահանջներ, որսն իրականացվել է որսի մուտքի և ելքի 19 տեղամասերից: Սահմանվել է, որ որսը թույլատրվում է իրականացնել ափից 500մ հեռավորության վրա՝ մանրաձկան որսը բացառելու նպատակով, այդ նույն նպատակով սահմանվել է նաև ձկնորսական ցանցավանդակների չափը՝ 40 մմ-ից ոչ պակաս:
«Մեկնարկել է Սևանա լճում ձկան արդյունագործական որսի երկրորդ փուլը, որի համար չափաքանակը սահմանվել է 250 տ»,- ընդգծեց Գրիգորյանը՝ հավելելով, որ սահմանվել է նաև որսի իրականացման լուսային գրաֆիկ:
Մանրամասները՝ տեսանյութում:
