30.06.2026 | 17:19
Հայաստանի գլխավոր դատախազն ընդունել է Լատվիայի գործընկերոջը
Դեֆեկտային լեգիտիմություն. ընտրության 1-ին փուլում դուրս եկանք ընթացակարգային ուղեծրից. Հայկյանց. ՏԵՍԱՆՅՈՒԹ
Հասարակություն
24.03.2021 | 11:24
Ազգային ժողովում քննարկվում է Վճռաբեկ դատարանի դատավորի ընտրության 2-րդ փուլը: Թեկնածուներն են ամենաշատ ձայներ հավաքած Արմեն Հայկյանցը և Արսեն Մկրտչյանը:
Ինչպես հայտարարեց Արմեն Հայկյանցը, դատավորները պետք է ունենան լեգիտիմ հիմք, և դա է վկայում այն, որ Վճռաբեկի դատավորին ընտրում է առաջնային մանդատով օժտված Ազգային ժողովը. «Սակայն մեծ է վտանգը, որ դատավորները կքաղաքականացվեն»:
Անդրադառնալով թեկնածուներին ներկայացնելու ընթացակարգին` թեկնածուն նկատեց, որ 1-ին փուլում թեկնածուներին ներկայացնողը դուրս եկավ այդ ուղեծրից. «Ուղեծիրն ընդամենը մեկն էր. թեկնածուներին ներկայացնող իրավասու անձը ընդամենը պետք է կատարեր նման գործառույթ: Ես չեմ ժխտում, որ բարձրացված հարցերը կարևոր չեն պետության համար, բայց կարևոր հարցերը պետք է քննարկվեն օրենսդրորեն նախատեսված ընթացակարգի շրջանակում: Վճռաբեկ դատարանի դատավորի ընտրության համար նախատեսված ընթացակարգ նման կարևորության հարցերի համար նախատեսված չէր»,- նշեց Վճռաբեկ դատարանի դատավորի թեկնածուն:
«Թեկնածուներին առավել լավ ճանաչելու հնարավորությունը բաց թողեցինք: 2-րդ փուլում էլ ենք կանգնելու նույն փաստի առաջ և ստացվելու է դեֆեկտեյին լեգիտիմություն»,- ընդգծեց Հայկյանցը:
Մանրամասները՝ տեսանյութում:
