28.04.2026 | 10:05
Արտարժույթների փոխարժեքները՝ ապրիլի 28-ի դրությամբ
Ալիևը հայտարարել է, թե դե յուրե կամ դե ֆակտո՝ Թուրքիան պետք է լինի բանակցային սեղանի շուրջ
Քաղաքականություն
14.10.2020 | 16:16
Թուրքիան պետք է լինի ԼՂ հակամարտության բանակցային սեղանի շուրջ, հայտարարել է Ադրբեջանի նախագահ Իլհամ Ալիևը։
«ԵԱՀԿ Մինսկի խումբը ստեղծվել է 1992 թվականին, և թե որն է եղել նման կազմով դրա ստեղծման պատճառը, մենք չգիտենք։ Այդ խմբում կան այնպիսի երկրներ, որոնք տարածաշրջան ելք և այստեղ ոչ մի ազդեցություն չունեն։ Եթե մենք ուզում ենք այս հակամարտության լուծում, ապա այստեղ պետք է լինեն այնպիսի երկրներ, որոնք կկարողանային ծառայել իրական հաշտությանը։ Իհարկե, այդ դերում մենք տեսնում ենք Թուրքիային և ողջունում ենք»,- ասել է Ալիևը թուրքական Haber Turk հեռուստաալիքի եթերում, գրում է ՌԻԱ Նովոստին։
Նրա խոսքով՝ Բաքուն հասկանում է, որ «Մինսկի խումբը ստեղծվել է ԵԱՀԿ կողմից, որը ունի իր օրենքները և կազմի փոփոխությունը, ամենայն հավանականությամբ, նախատեսում է ինչ-որ իրավաբանական գործընթացներ»։
«Մենք չենք ցանկանում այդ մանրամասների մեջ մտնել։ Եվ այդ պատճառով ես ասացի՝ նշանակություն չունի՝ դե յուրե, թե՞ դե ֆակտո, կարևորը Թուրքիան լինի այդ բանակցային սեղանի շուրջ»,- հավելել է Ալիևը։
Նա նաև ընդգծել է, որ Մոսկվան ու Անկարան մշտապես բանակցություններ են վարում հակամարտության կարգավորման շուրջ։
Տաթև Ֆռանգյան
