13.01.2026 | 12:34
Ադրբեջանի և Հայաստանի միջև խաղաղության համաձայնագրի նախաստորագրումը պատմական իրադարձություն է. Իտալիայի ԱԳՆ
Իսրայելն ու Թուրքիան Ադրբեջանում կայացած բանակցություններում չեն կարողացել համաձայնության գալ
Քաղաքականություն
11.04.2025 | 15:56
Իսրայելի և Թուրքիայի ներկայացուցիչները օրերս Ադրբեջանում կայացած բանակցությունների ընթացքում չեն կարողացել ընդհանուր դիրքորոշման գալ Սիրիայում լարվածության նվազեցման հարցում, գրում են ադրբեջանական լրատվամիջոցները։
Իսրայելի հանրային հեռարձակող Kan-ի հաղորդմամբ՝ երկու կողմերը չեն կարողացել որևէ համաձայնության գալ, ինչը հանգեցրել է քննարկումների հաջորդ փուլը հետաձգելու որոշման՝ մինչև հրեական Պասեքի ավարտը, որը կշարունակվի հաջորդ շաբաթվա ընթացքում։ Այն այս տարի նշվում է ապրիլի 12-ից 19-ը։
Աղբյուրը նաև նշել է, որ թուրքական իշխանությունները չեն թույլատրել իսրայելական պատվիրակության ռազմական ինքնաթիռներին թռչել Թուրքիայի օդային տարածքով Բաքու մեկնելիս։ Արդյունքում, ինքնաթիռը ստիպված է եղել շրջանցել Թուրքիան արևմուտքից՝ փոխելով ուղղությունը Սև ծովի վրայով։
Հիշեցնենք, որ Իսրայելի վարչապետ Բենիամին Նեթանյահուի գրասենյակն ավելի վաղ հաստատել էր, որ Ադրբեջանում երկու երկրների պատվիրակությունների միջև հանդիպում է տեղի ունեցել։
Թարգմանությունը՝ Էմմա Չոբանյանի
