22.06.2026 | 01:08
ԱԱ-2026. Բելգիան ու Իրանը չպարզեցին հաղթողին. ՏԵՍԱՆՅՈՒԹ
Հարավային Կովկասում կայունություն ապահովելու մեր ջանքերը շարունակվում են. Էրդողան
Քաղաքականություն
11.04.2025 | 18:36
Հարավային Կովկասում կայունություն ապահովելու մեր ջանքերը շարունակվում են։ Այս մասին Անթալիայի 4-րդ դիվանագիտական ֆորումի (ADF 2025) պաշտոնական բացմանը ունեցած ելույթում հայտարարել է Թուրքիայի նախագահ Ռեջեփ Թայիփ Էրդողանը։
«Հարավային Կովկասում կայունություն ապահովելու մեր ջանքերը շարունակվում են։ Մենք ձգտում ենք պահպանել խաղաղությունն ու կայունությունը Արևելյան Միջերկրականում և Եգեյան ծովում, և մենք աշխատում ենք պահպանել դրական մթնոլորտ մեր հարևան Հունաստանի հետ։ Շատ ուշադիր հետևում ենք Բալկաններում տեղի ունեցող զարգացումներին և շարունակում ենք մեր համագործակցությունը տարածաշրջանի երկրների հետ։ Կենտրոնական Ասիայի հանրապետություններն օրեցօր ամրապնդում են իրենց առանձնահատուկ տեղը մեր արտաքին քաղաքականության մեջ»,-ասել է Էրդողանը։
Նա նշել է, թե Անկարան ձգտում է Թուրքիայի շուրջ ստեղծել խաղաղության և անվտանգության գոտի՝ հարևանների հետ լավ հարաբերություններ հաստատելով, համագործակցության ու առևտրի հնարավորություններն ընդլայնելով և հակամարտող կողմերի միջև երկխոսության կամուրջներ կառուցելով։
Թարգմանությունը՝ Էմմա Չոբանյանի
