13.01.2026 | 20:27
Կանխարգելվել է մոտ 15.000.000 ՀՀ դրամի հափշտակության դեպք. ՆԳՆ կիբեռոստիկանություն
ՔԿ-ն վարույթ է նախաձեռնել պարեկների կողմից վարորդի նկատմամբ կիրառված բռնության դեպքի առթիվ
Հասարակություն
11.04.2025 | 17:19
ՀՀ քննչական կոմիտեն «Իրավունքների պաշտպանություն առանց սահմանների» ՀԿ հաղորդման հիման վրա քրեական վարույթ է նախաձեռնել ՀՀ ոստիկանության պարեկային ծառայության մի խումբ ծառայողների կողմից փողոցում կանգնած մեքենայի վարորդի նկատմամբ կիրառված բռնության դեպքի առթիվ՝ ՀՀ քրեական օրենսգրքի 441-րդ հոդվածի 2-րդ մասին 1-ին և 4-րդ կետերով նախատեսված հանցագործության հատկանիշներով․ տեղեկացնում են «Իրավունքների պաշտպանություն առանց սահմանների» ՀԿ-ից։
Հիշեցնենք, որ ըստ համացանցում հրապարակված տեսանյութերի՝ 2025 թվականի ապրիլի 2-ին ՀՀ ներքին գործերի նախարարության պարեկային ծառայության մի խումբ ծառայողների կողմից բռնություն է գործադրվել փողոցում կանգնած մեքենայի վարորդի նկատմամբ, մասնավորապես վարորդին բռնությամբ հանում են մեքենայից, քաշքշում և պառկեցնում գետնին, հագցնում ձեռնաշղթաներ, այն պայմաններում, երբ անձի կողմից որևէ դիմադրություն չի ցուցաբերում։ Ըստ ՆԳՆ պարզաբանման՝ անձը բերման էր ենթարկվել ՀՀ համայնքային ոստիկանության կենտրոնական բաժին։
«Իրավունքների պաշտպանություն առանց սահմանների» ՀԿ-ն վերոգրյալի առթիվ հանցագործության մասին հաղորդում էր ներկայացրել և խնդրել նախաձեռնել քրեական վարույթ՝ ոստիկանության համապատասխան աշխատակիցների նկատմամբ հարուցելով քրեական հետապնդում, քանի որ պարեկների գործողություններում առկա է հանցակազմ՝ ոստիկանների կողմից ծառայողական լիազորությունները կամ դրանցով պայմանավորված ազդեցությունը չարաշահելով կամ լիազորություններն անցնելով՝ զուգորդված բռնության գործադրմամբ և անձի նկատմամբ անմարդկային և նվաստացուցիչ վերաբերմունքի դրսևորմամբ։
