06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Բաքվում Արցախի ղեկավարների շինծու գործերով նիստում «տուժողներից» մեկը հայտարարել է, որ աշխատել է Ռոբերտ Քոչարյանի հետ
Քաղաքականություն
11.04.2025 | 17:40
Բաքվում ընթացող Արցախի ղեկավարների և այլ պաշտոնյաների դեմ հարուցված շինծու գործերով դատական նիստում դատախազների հարցերին պատասխանել են «տուժողները»։
Ադրբեջանական լրատվամիջոցների հաղորդմամբ՝ նրանցից Նազեյկա Ատակիշևան նշել է, որ ծնվել է 1954 թվականին Ստեփանակերտում, նաև հայտարարել, թե, իբր, «հայերի վերաբերմունքն այնտեղ ապրող ադրբեջանցիների նկատմամբ լավ չի եղել, իսկ 1988 թվականի փետրվարից ի վեր ավելի է վատացել»։
Նրա ասել է, թե որպես ջուլհակ աշխատել է «Ղարաբաղի մետաքսի կոմբինատում», որտեղ աշխատել է նաև Ռոբերտ Քոչարյանը։ Ըստ Ատակիշևայի՝ ավելի ուշ նա դարձել է Կոմսոմոլի քարտուղար և «հակաադրբեջանական շարժման հիմնական մասնակիցներից մեկը»։ Կինը նաև պատմել է, թե, իբր, «հայերը քարեր են նետել իր վրա, վիրավորել իրեն իր տան առջև ու հայտարարել է, որ հեռանան այդտեղից»։
Մեկ այլ «տուժող» էլ՝ Բաղանիս Այրումի բնակիչ Ռամիզ Ադիգեզալովը հայտարարել է, թե, իբր, «հայերը 1990 թվականին սպանել են իր 39 օրական երեխային»։
Թարգմանությունը՝ Էմմա Չոբանյանի
