30.04.2026 | 01:05
Չեմպիոնների լիգա․ «Աթլետիկոն» ու «Արսենալը» չպարզեցին հաղթողին․ ՏԵՍԱՆՅՈՒԹ
Վթարի ենթարկված շտապօգնության վարորդը դուրս կգրվի, իսկ բուժքրոջ գիտակցությունը վերականգնվել է․ Ռուբեն Գրիգորյան
11.04.2025 | 17:03
Օրեր առաջ վթարի ենթարկված շտապօգնության վարորդն այսօր հիվանդանոցից դուրս կգրվի, այս մասին Factor.am-ին հայտնեց «Շտապօգնություն» ՓԲԸ-ի տնօրեն Ռուբեն Գրիգորյանը։ Նա նշեց, որ երեկ տեսակցել է շտապօգնության մեքենայի վթարի հետևանքով տուժած բուժքրոջը, խոսել հետը։
«Բուժքույրը դեռ վերակենդանացման բաժանմունքում է, բայց վիճակը բարելավվում է՝ դրական դինամիկայով։ Գիտակցությունը տեղն է»,- մանրամասնեց նա։
Հիշեցնենք, որ ապրիլի 8-ին շտապօգնության մեքենան բախվել էր էլեկտրասյանը, վարորդը, բժիշկը ու բուժքույրը հոսպիտալացվել էին, բժշկի կյանքը փրկել չէր հաջողվել։ Շտապօգնության տնօրեն Ռուբեն Գրիգորյանը Factor TV-ի հետ զրույցում կարծիք էր հայտնել, որ վարորդն, ամենայն հավանականությամբ, ղեկին քնել է։
Դեպքից հետո Երևանի քաղաքապետի մամուլի քարտուղար Հայկ Կոստանյանը ֆեյսբուքյան գրառմամբ ասել էր, որ բժիշկն ամրակապված չի եղել և ծանր վնասվածքներ ստանալու հավանական պատճառներից մեկը դա է։
Մանյա Պողոսյան
