14.05.2026 | 22:14
Ռուսական ինքնաթիռի կողմից նետված ավիառումբն է հանգեցրել Բելգորոդի մարզում գնացքի ռելսերից դուրս գալուն. աղբյուր
Դատավորը ցույց տվեց, որ ՀՀ-ում կարող է գործել ազատ կարծիք արտահայտելու իրավունքը. փաստաբանը` արդարացման վերդիկտի մասին․ ՏԵՍԱՆՅՈՒԹ
Հասարակություն
11.04.2025 | 17:24
Որոշումը սպասելի էր, ինձ համար, ճիշտն ասած, ավելի սպասելի էր Ալբերտ Առստամյանի գործով առհասարակ հանրային մեղադրողի կողմից մեղադրանքից հրաժարվելու ինստիտուտի կիրառումը, այսինքն՝ առաջադրված մեղադրանքից կհրաժարվի։ Այս մասին դատարանի բակում լրագրողների հետ զրույցում ասաց Նիկոլ Փաշինյանի ուղղությամբ խնձոր նետած Ալբերտ Առստամյանի փաստաբան Ռոման Երիցյանը՝ անդրադառնալով գործով արդարացման վերդիկտին։
«Դատավոր Արման Հովհաննիսյանը կայացրեց շատ արդար դատական ակտ, մասնավորապես արդարացնելով Ալբերտ Առստամյանին։ Այսօր Ալբերտ Առստամյանին արդարացնելով՝ դատավորը ոչ միայն ցույց տվեց իր մասնագիտական կարողությունը, այլև առհասարակ ցույց տվեց, որ հավատարիվ է ՀՀ Սահմանադրությամբ իրեն վերապահված առաքելությանը և ցույց տվեց, որ ՀՀ-ում կարող է գործել ազատ կարծիք արտահայտելու իրավունքը»,- ընդգծեց Ռոման Երիցյանը։
Հիշեցնենք՝ Երևանի Զեյթուն թաղամասի 71-ամյա բնակիչ Ալբերտ Առստամյանը 2024 թվականի օգոստոսին իրենց բակում տեսել էր վարչապետ Նիկոլ Փաշինյանին և 9-րդ հարկի իր պատշգամբից խնձորը նետել նրա ուղղությամբ, սակայն չէր դիպել: Ոստիկանները ժամերի ընթացքում տարեց տղամարդուն տարել էին ձերբակալվածների պահման վայր, ոստիկանության բաժանմունք էին տեղափոխել նաև ընտանիքի անդամներին։ Արցախցի տղամարդուն մեղադրանք էր առաջադրվել խուլիգանության հոդվածով: Այսօր Երևան քաղաքի առաջին ատյանի ընդհանուր իրավասության քրեական դատարանի դատավոր Արման Հովհաննիսյանն արցախցի 71-ամյա Ալբերտ Առստամյանի գործով կայացրեց արդարացման վերդիկտ՝ նշելով, որ նրան մեղսագրվող ՔՕ 297-րդ հոդվածի 1-ին մասով (խուլիգանություն) սահմանված հանցակազմի առկայությունը ապացուցված չէ։ Մայիսի 23-ին տեղի կունենան լրացուցիչ դատալսումներ։
Մանրամասները՝ տեսանյութում։
