02.05.2024 | 12:37
ՌԴ ՊՆ-ն հայտնել է ուկրաինական 12 անօդաչու ոչնչացնելու և որսալու մասին
Ալիևի ռազմատենչ հռետորաբանությունը շարունակվում է․ նա «Հայաստանին վերջին շանսն է տվել»
Քաղաքականություն
09.10.2020 | 18:06
Ադրբեջանի նախագահ Իլհամ Ալիևի ռազմատենչ հռետորաբանությունը շարունակվում է։ Նա հայտարարել է, թե համաձայն չէ ձևակերպման հետ, որ Լեռնային Ղարաբաղի հակամարտությունը չունի ռազմական լուծում։ Բացի այդ, Բաքուն վերցրել ու չեղարկել է ստատուս-քվոն․ Ալիևը հայտարարել է, թե «Ղարաբաղում այլևս ստատուս-քվո չկա»։
Նա նաև հայտարարել է, որ «Երևանը պետք է կատարի Լեռնային Ղարաբաղի հարցով ՄԱԿ-ի Անվտանգության խորհրդի բանաձևերը»։
Ադրբեջանի նախագահն այսքանով էլ չի սահմանափակվել ու հայտարարել է, թե «Երևանին վերջին շանսն է տալիս՝ բանակցային գործընթացին վերադառնալու ու Ղարաբաղից զորքերը դուրս բերելու համար»։
Նա նաև հույս է հայտնել, որ այս պահին Մոսկվայում ընթացող խորհրդակցությունները «շատ բան կպարզեն ու կընդունվեն հակամարտության կարգավորման հիմնարար սկզբունքները»։
