25.04.2026 | 21:33
Մանվել Խնձրցյանը և Վազգեն Թևանյանը տպավորիչ հաղթանակներով դարձան ԵԱ-ի բրոնզե մեդալակիրներ. ՏԵՍԱՆՅՈՒԹ
«Արա» բառի վրա չի դրվում շեշտը․ անվստահություն եմ հայտնում ձեր հայերենի իմացությանը․ Արթուր Հովհաննիսյան. ՏԵՍԱՆՅՈՒԹ
Քաղաքականություն
16.09.2020 | 16:27
Այսօր ԱԺ-ում ԿԳՄՍ նախարար Արայիկ Հարությունյանի հրաժարականի պահանջով «Լուսավոր Հայաստան» խմբակցության հարցապնդման քննարկման ժամանակ «Իմ քայլը» խմբակցության պատգամավոր Արթուր Հովհաննիսյանը նշեց, որ բերված փաստերը սուտ են ու հորինված։
«Մենք արդյունքները տեսնում ենք։ Դրա վառ ապացույցը կրթական ոլորտում կապիտալ ծախսերն են, ինչի արդյունքում կառուցվում են մոդուլային ժամանակակից դպրոցներ երեխաների համար, գերբռնված դպրոցների թիվը կրճատվել է էլեկտրոնային գրանցման համար։ Ժամանակս չի հերիքում, որ շատ բան ասեմ։ Covid-19-ի պայմաններում մի քանի օրում հեռավար ուսուցման մոդել սկսեց ձևավորվել։ Հիմա այս ամենն անտեսելով՝ իրականության մեջ գոյություն ունեցող փաստերի վրա հիմնված մեղադրանքներ սկսեցին հնչեցվել և, ափսոս, չկա ընթացակարգ, որով կարելի է անվստահություն հայտնել ընդդիմադիր ֆրակցիային, թե չէ ես հենց հիմա դա կանեի։ Բայց ես անվստահություն եմ հայտնում, օրինակ, ձեր հայերենի իմացությանը, որովհետև շեշտը «արա» բառի վրա չի դրվում, և դա իմանալ, գոնե, պետք էր՝ կրթության նախարարին անվստահություն հայտնելու առաջ»,- նշեց պատգամավորը՝ նկատի ունենալով խմբակցության պատգամավորների կողմից ԱԺ դահլիճ բերված պաստառի վրայի գրությունը։
Մանրամասները՝ տեսանյութում։
