19.01.2026 | 23:38
Ռուբիոն բարձր է գնահատել Ադրբեջանի կառավարության կողմից Հայաստան վառելիքի մատակարարումները
Մարդիկ հեռացվում են դպրոցների խորհուրդներից քաղաքական նկատառումներով, որովհետև Ձեզ դուր չի եկել բարեկամի ելույթը․ Գորգիսյանը՝ Հարությունյանին. ՏԵՍԱՆՅՈՒԹ
Հասարակություն
16.09.2020 | 15:33
Այսօր ԱԺ-ում ԿԳՄՍ նախարար Արայիկ Հարությունյանի հետ հարցուպատասխանի ժամանակ «Լուսավոր Հայաստան» խմբակցության պատգամավոր Գևորգ Գորգիսյանը նախարարին խնդրեց ներկայացնել, թե բոլոր փոփոխությունները, որ արվում են, ինչի՞ն են միտված և ինչպիսի՞ հանրություն ենք պատրաստվում ունենալ այդ գործողությունների արդյունքում:
«Մենք ուզում ենք ունենալ ազատությունները, իր իրավունքներն ու պարտականություններն իմացող, վերլուծող, քննադատող քաղաքացի»,- ասաց նախարարը։
Գորգիսյանն ասաց նաև՝ դպրոցներում շարունակում է տիրել նույն վախի մթնոլորտը և հավելեց, որ իրենց զանգահարում են ուսուցիչներ, բողոքում են, բայց ցանկանում են մնալ անանուն, որովհետև վախենում են կորցնել աշխատանքը:
«Դպրոցների կառավարման խորհուրդներից քաղաքական նկատառումներով հեռացվում են, երբ նույնիսկ մեղքը ոչ թե իրենց է, այլ իրենց բարեկամինը, որովհետև Ձեզ դուր չի եկել իրենց բարեկամի ելույթը»,- նշեց Գորգիսյանը։
Հարությունյանը կոչ արեց մտնել իր ֆեյսբուքյան էջ, կարդալ շատ ուսուցիչների մեկնաբանություններ և համոզվել, որ որևէ բան նրանց հետ տեղի չի ունեցել:
Մանրամասները՝ տեսանյութում։
