12.01.2025 | 00:54
Կիևյան փողոցի տներից մեկում հրդեհ է բռնկվել. դեպքի վայր է մեկնել չորս մարտական հաշվարկ
Չեմ հիշում դեպք, որ նման կերպ «իգնոռ» արվեն ԱԺ մյուս խմբակցությունները․ Զոհրաբյան. ՏԵՍԱՆՅՈՒԹ
Քաղաքականություն
14.09.2020 | 13:42
ԲՀԿ-ն չի մասնակցելու ՍԴ դատավորների ընտրությանը: Այս մասին այսօր ԱԺ-ում հայտարարեց «Բարգավաճ Հայաստան» խմբակցության պատգամավոր Նաիրա Զոհրաբյանը:
«Բազմիցս ասել ենք, որ այստեղ խախտված են հստակ ընթացակարգեր»,- նշեց պատգամավորը՝ ընդգծելով, որ ՍԴ դատավորի թեկնածուները չեն հանդիպել խմբակցությունների հետ:
«Կա պառլամենտական քաղաքական մշակույթ, որ ներկայացնող սուբյեկտը և նաև թեկնածուները պետք է շահագրգիռ լինեն խորհրդարանում ներկայացված ոչ միայն մեծամասնության, այլև փոքրամասնությունը ներկայացնող խմբակցությունների հետ ու պատասխանել հարցերին: Բայց քանի որ այս ամիսների ընթացքում մենք տեսանք, որ ՍԴ դատավորների թեկնածուների շուրջ շեքսպիրյան կրքեր են բորբոքվում նույն խմբակցության ներսում, որ շեքսպիրյան ժամանակների արքունիքը գլուխը պատին է տվել ներքին խարդավանքների, ներքին հոսանքների շուրջ։ Այս մարդիկ հասկացել են, որ այդ խնդիրները որոշվում են այստեղ, ուստի հանդիպել երկու այլ խմբակցությունների հետ իրենք համարել են բացարձակապես աննպատակահարմար: Սա ես համարում եմ հետընթաց»,- նշեց Նաիրա Զոհրաբյանը։
Նա հավելեց, որ նախկինում չի եղել դեպք, որ իրենք գնան խնդրեն թեկնածուին հանդիպել իրենց հետ․ «Այստեղ խախտվում է պառլամենտարիզմի երկար տարիներ մշակված ավանդույթը… 2007 թվականից ես խորհրդարանում եմ և չեմ հիշում դեպք, որ նման կերպ «իգնոռ» արվեն խորհրդարանական մյուս խմբակցությունները»:
Մանրամասները՝ տեսանյութում։
