21.05.2026 | 17:31
Խամենեին հայտարարել է, որ հարստացված ուրանը պետք է մնա Իրանում
Գիտնականները COVID-19-ի ֆոնին պանկրեատիտի նոր ախտանշաններ են հայտնաբերել
12.06.2020 | 19:31
Կորոնավիրուսով հիվանդների մոտ պանկրեատիտի՝ ենթաստամոքսային գեղձի բորբոքման նոր՝ նախկինում անհայտ ախտանշաններ են հայտնաբերել։ Այս մասին գրում է ՌԲԿ-ն՝ վկայակոչելով Medical Xpress-ը։
Լիվերպուլի թագավորական համալսարանական հիվանդանոցի մասնագետները հետազոտության արդյունքներով նշել են, որ COVID-19 դրական արդյունքով սուր պանկրեատիտով մի խումբ հիվանդների մոտ յուրահատուկ և արտասովոր ախտանշաններ են արձանագրվել։ Ավելորդ քաշով երիտասարդ տղամարդկանց մոտ, նոր ախտանշանների թվում, արձանագրվել են արյան մեջ շաքարի և ճարպերի բարձր պարունակություն։
Հետազոտողները հույս ունեն, որ համաճարակից առաջ անհայտ այս նոր ախտանշանները մասնագետներին կօգնեն ավելի վաղ ախտորոշել հիվանդությունն ու ժամանակին բուժում սկսել։
Ենթաստամոքսային գեղձի սուր բորբոքմանը յուրահատուկ նշաններից են որովայնի վերին հատվածում մշտական ուժեղ ցավերը, փսխումը։
