19.04.2026 | 23:45
Գետերում նկատվում է ջրի մակարդակի բարձրացում. ՆԳՆ ՓԾ-ն անցել է ուժեղացված ծառայության
ԱԻՆ համակարգում 35 վարակակիր է եղել, 20-ն արդեն բուժվել է․ Ֆելիքս Ցոլակյան. ՏԵՍԱՆՅՈՒԹ
09.06.2020 | 18:28
Գտնվում ենք մի իրավիճակում, երբ մեզանից յուրաքանչյուրը, ընդամենը հակահամաճարակային կանոնները պահելով, կարող է կյանքեր փրկել՝ միանալով մեր մեծ փրկարարական ընտանիքին։ Պարետատան նիստից հետո հրավիրված ճեպազրույցում այս մասին ասաց ՀՀ ԱԻ նախարար Ֆելիքս Ցոլակյանը։
«ԱԻՆ 911 ծառայության կողմից հաշվետու ժամանակահատվածում սպասարկվել է միայն կորոնավիրուսով պայմանավորված 2.264 ահազանգ»,- նշեց նա։
Նախարարը ներկայացրեց արտակարգ դրության պայմաններում ԱԻՆ ծառայությունում արված փոփոխությունները։ Մասնավորապես, հաշվի առնելով ծանրաբեռնվածությունը, 24/7 ռեժիմով աշխատող ԱԻՆ հերթապահ բժիշկների թիվը կրկնապատկվել է։
Ֆելիքս Ցոլակյանը նաև համակարգում արձանագրված վարակակիրների մասին տվյալներ ներկայացրեց։ «Ցավոք, ԱԻՆ համակարգում ևս կան վարակակիրներ, որոնք վարակվել են իրենց հարազատներից։ Ընդհանուր առմամբ, այս ընթացքում ունեցել ենք 35 վարակակիր, որոնցից 20-ը արդեն բուժվել է և վերադարձել շարք»,- նշեց ԱԻ նախարարը։
Մանրամասները՝ տեսանյութում։
