11.02.2026 | 15:55
Դատարանը հիմք է ընդունել միայն մեղադրական ցուցմունքները. Դավիթ Համբարձումյանի պաշտպան․ ՏԵՍԱՆՅՈՒԹ
Գերմանիան Չինաստանին կոչ է արել պարզաբանել կորոնավիրուսի բռնկման հանգամանքները
Քաղաքականություն
20.04.2020 | 12:47
Գերմանիան միացել է այն երկրներին, որոնք Չինաստանի ղեկավարությանը կոչ ենե անում պարզաբանել երկրում SARS-CoV-2 կորոնավիրուսի տարածման հանգամանքները: Այս մասին գրում է DW-ի ռուսական ծառայությունը:
«Համաշխարհային ճգնաժամի իրավիճակում չինական կողմը պետք է լիարժեք թափանցիկություն դրսևորի, հատկապես՝ վիրուսի ի հայտ գալու հարցում»,- Funke մեդիագրուպի պարբերականներին ասել է Գերմանիայի տնտեսական համագործակցության և զարգացման հարցերի նախարար Գերդ Մյուլլերը:
Նրա խոսքով՝ անհրաժեշտ է պարզաբանել COVID-19-ի հարուցիչի՝ հնարավոր լաբորատոր ծագման տեսությունը:
Չինական Ուհան քաղաքի վարակաբանության ինստիտուտի լաբորատորիայի ղեկավար Յուան Չժիմինը, սակայն, հերքել է վիրուսի՝ նման ծագման հավանականությունը:
«Գիտնականների թիմը հստակ գիտի՝ ինչ հետազոտություններ են անցկացվում ինստիտուտում և ինչպես վարվել վիրուսների ու նմուշների հետ: Լաբորատորիայի ոչ մի աշխատակից չի վարակվել»,- ընդգծել է նա:
Ամերիկյան Fox News-ը, հիշեցնենք, ավելի վաղ հաղորդել էր, որ նոր վիրուսով առաջին վարակվածն այդ լաբորատորիայի աշխատակից է:
Մինչ այդ, Ավստրալիայի ԱԳ նախարար Մարիս Փեյնը կոչ է արել վիրուսի տարածման հետ կապված իրավիճակի անկախ հետաքննություն անցկացնել: Այդ երկրի առողջապահության նախարարն էլ կոչ է արել ուսումնասիրել Առողջապահության համաշխարհային կազմակերպության գործունեությունը: Գրեգ Հանթի հավաստմամբ՝ Ավստրալիային հաջողվեց կանխել վիրուսի տարածումը, քանի որ երկիրն ԱՀԿ-ի ոչ բոլոր խորհուրդներին հետևեց:
ԱՄՆ նախագահ Դոնալդ Թրամփը, հիշեցնենք, ավելի վաղ հայտարարել էր, թե Չինաստանի համար հետևանքներ կլինեն, եթե պարզվի, որ Պեկինը «գիտակցաբար» է թաքցրել SARS-CoV-2-ի մասին տվյալները: Նա, սակայն, չի մանրամասնել, թե ինչ հետևանքների մասին է խոսքը: Սպիտակ տան ղեկավարը նաև կարծում է, որ նոր վտանգավոր վիրուսը հնարավոր էր կանգնեցնել հենց Չինաստանում՝ մինչ համաճարակ դառնալը:
2019 թվականի վերջին Չինաստանում բռնկումից հետո նոր կորոնավիրուսը թափանցել է արդեն 210 երկիր: COVID-19-ի հարուցիչ է բացահայտվել երկրագնդի ավելի քան 2.3 մլն բնակչության մոտ, իսկ հիվանդության հետևանքով շուրջ 160 հազար մարդ է մահացել:
