11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Կրասնոդարի և Ռոստովի ղեկավարները հայտարարել են ուկրաինական ԱԹՍ-ների հարձակումների մասին
Քաղաքականություն
28.11.2024 | 13:51
ՌԴ Կրասնոդարի երկրամասի և Ռոստովի մարզի նահանգապետերը նոյեմբերի 28-ի գիշերը հայտարարել են ուկրաինական անօդաչու թռչող սարքերի հարձակումների մասին։ Ռուսաստանի ՊՆ-ն հայտնել է խոցված 25 անօդաչուի մասին։
Կրասնոդարի երկրամասի ղեկավար Վենիամին Կոնդրատևը հայտարարել է տարածաշրջանին զանգվածային հարվածի մասին։
Կուբանի Սլավյանսկում անօդաչու թռչող սարքի բեկորներն ընկել են մասնավոր տան բակ, «կոտրվել են տարածքի պատուհանները, տուժել է տան տերը», մանրամասնել է նա։
Բժիշկները տուժածին առաջին օգնություն են ցուցաբերել, սակայն նա հրաժարվել է հոսպիտալացումից։ Բացի այդ, ըստ Կոնդրատևի, Կուբանի Սլավյանսկում անօդաչու թռչող սարքի հարձակման ժամանակ մեքենա է վնասվել։
Կրասնոարմեյսկի շրջանի Չիգրինա գյուղում անօդաչու թռչող սարքի բեկորներից տուն է վնասվել, սակայն տուժածներ չկան։
Պայթյուններ են լսվել նաև Ռոստովի մարզում։ Նահանգապետի պաշտոնակատար Յուրի Սլյուսարը պնդում է, որ գիշերը մարզում ոչնչացվել է երկու անօդաչու թռչող սարք․ մեկը՝ Կամենսկում, մյուսը՝ Տագանրոգում։
«Ինչպես հայտնել են հերթապահ ծառայությունները՝ տեղում զոհեր և ավերածություններ չկան»,- հավելել է նա։
Թարգմանությունը՝ Տաթև Ֆռանգյանի
