07.10.2026 | 10:46
Գագիկ Խաչատրյանից առգրավված 70 կտավ հանձնվել է Ազգային պատկերասրահին
Լեհաստանի նախագահը՝ ՀՀ-ում ԵՄ առաքելությունում լեհական անձնակազմի ավելացման և Բաքվում Ալիևի հետ զրույցի մասին
Քաղաքականություն
28.11.2024 | 12:52
Լեհաստանը մասնակցում է Հայաստանում ԵՄ քաղաքացիական դիտորդական առաքելությանը, քննարկում ենք այդ առաքելությունում մեր ներկայացուցիչների թիվն ավելացնելու հարցը։ Ամփոփելով Հայաստան կատարած այցը՝ լեհական լրատվամիջոցների հետ զրույցում այս մասին ասել է Լեհաստանի դեսպան Անջեյ Դուդան։
Նա շեշտել է, որ հանդիպել է ԵՄ դիտորդներին և նրանց հետ պարեկություն իրականացրել սահմանին։
«Առաքելությունն իր խնդիրն իրականացնում է Հայաստան-Ադրբեջան սահմանի հազար կիլոմետրի վրա, ուստի դա հսկայական խնդիր է, որը կատարում են այս առաքելության մաս կազմող հարյուրից ավելի մարդիկ։ Նրանք փորձում են մշտական վերահսկողություն պահպանել այդ տարածքների նկատմամբ: Առաքելությունը որոշակի հաջողություններ է բերում, օրինակ՝ իրավիճակը հանդարտեցնելու հարցում»,- ասել է Դուդան։
Նա ընդգծել է՝ դիտորդական առաքելության ժամանումից հետո դադարել են նախկինում գրանցվող հրատակոծությունները, ենթակառուցվածների ոչնչացումը, և «այդ տեսանկյունից կարելի է ասել, որ առաքելությունը հաջողված է»։
Ինչ վերաբերում է Հայաստանում հանդիպումներին, Անջեյ Դուդան տեղեկացրել է, որ ՀՀ նախագահ Վահագն Խաչատուրյանին հրավիրել է պաշտոնական այց կատարել Լեհաստան՝ հույս հայտնելով, որ դա տեղի կունենա 2025 թվականին։ Այդ ժամակահատվածում նախատեսվում է նաև լեհ-հայկական բիզնես համաժողովի անցկացում։
ՀՀ վարչապետ Նիկոլ Փաշինյանի և ԱԺ նախագահ Ալեն Սիմոնյանի հետ, ըստ Դուդայի, քննարկվել են հայ-լեհական հարաբերությունները, տնտեսական համագործակցության հարցեր։ Անդրադարձ է կատարվել Հայաստանում անցկացվող մրցույթներին լեհական ընկերությունների մասնակցությանը։
Անդրադառնալով ՄԱԿ-ի կլիմայական համաժողովին՝ COP29-ին մասնակցելու նպատակով Բաքու կատարած այցին, Դուդան ասել է, որ այցի շրջանակում հանդիպել է Ադրբեջանի նախագահ Իլհամ Ալիևին։
«Ի թիվս այլ հարցերի՝ մենք խոսեցինք նաև Հայաստանի հետ հարաբերություններից։ Բարեբախտաբար, խաղաղության գործընթացը, հակամարտության լուծումն առաջընթաց է ապրում։ Սրանք հայերի և ադրբեջանցիների հարաբերություններն են, մարդկանց ու տարբեր էթնիկ խմբերի բնակության վայրերի խնդիրներ։ Ես այդ ամենի մասին խոսել եմ Ադրբեջանում»,- նշել է Դուդան՝ հավելելով, որ այդ թեմաների մասին խոսել է նաև Հայաստանի բարձրաստիճան պաշտոնյաների հետ հանդիպումներում։
Թարգմանությունը՝ Էմմա Չոբանյանի
