26.05.2026 | 16:44
«Ինտեր Մայամին» տեղեկություն է հայտնել Մեսիի վնասվածքի վերաբերյալ
Աստանայում ընթանում է ՀԱՊԿ երկրների ղեկավարների գագաթնաժողովը․ Փաշինյանը չի մասնակցում
Քաղաքականություն
28.11.2024 | 14:03
Ղազախստանի նախագահ Կասիմ-Ժոմարտ Տոկաևն Աստանայում Անկախության պալատում, որտեղ անցկացվում ՀԱՊԿ գագաթնաժողովը, ողջունել է կազմակերպության անդամ երկրների ղեկավարներին, հայտնում է Kazinform-ը։
Նիստին մասնակցելու համար ավելի վաղ Ղազախստանի մայրաքաղաք են ժամանել ՌԴ նախագահ Վլադիմիր Պուտինը, Բելառուսի նախագահ Ալեքսանդր Լուկաշենկոն, Ղրղզստանի նախագահ Սադիր Ժապարովը և Տաջիկստանի նախագահ Էմոմալի Ռահմոնը։ Դիմավորման պաշտոնական արարողությունից հետո պետությունների ղեկավարները գնացել են բանակցությունների դահլիճ՝ նեղ կազմով հանդիպման։
Նշվում է, որ երկրների ղեկավարները մտքեր են փոխանակելու միջազգային և տարածաշրջանային իրավիճակի, ՀԱՊԿ անդամ երկրների անվտանգության վրա դրանց ազդեցության վերաբերյալ, կքննարկեն նաև համագործակցության արդյունքները և հավաքական անվտանգության համակարգի հետագա զարգացման հեռանկարները։
Գագաթնաժողովից հետո կողմերը նախատեսում են ստորագրել մի շարք փաստաթղթեր։
Հավելենք, որ ՀՀ վարչապետ Նիկոլ Փաշինյանը նիստին չի մասնակցում։
Թարգմանությունը՝ Էմմա Չոբանյանի
