Եթե կա զոհ՝ չթերանալու մասին խոսելը դժվար է. Արծրուն Հովհաննիսյան. ՏԵՍԱՆՅՈՒԹ

Լուրեր

16.11.2026 | 23:32
Սևանի մակարդակը մեկ շաբաթում իջել է 1 սմ-ով․ տարեսկզբի համեմատ աճը 31 սմ է
16.11.2026 | 23:22
Լուսինե Բեկչյանն ազատվել է ԱԺ նախագահի օգնականի պաշտոնից
16.11.2026 | 23:01
Նոր Ջեյմս Բոնդը կլինի Ռոբերտ Պատինսոնը
16.11.2026 | 22:44
Երևանի Ֆուչիկի փողոցն առաջարկվում է անվանափոխել կոմպոզիտոր Վլադիլեն Բալյանի անունով
16.11.2026 | 22:26
Ձմեռային անվադողերի պարտադիր պահանջը խախտել է 400 վարորդ, որից 63-ը՝ Երևանում
16.11.2026 | 22:10
Բայրամովը Մեծ Բրիտանիայի պետքարտուղարի հետ քննարկել է Հայաստանի հետ կարգավորման գործընթացը
16.11.2026 | 21:59
Իրաքն ու Հորդանանն անվտանգության մտահոգությունների պատճառով արգելափակում են Telegram-ը
16.11.2026 | 21:47
Բորիս Նեմցովի սպանության համար դատապարտվածները գաղտնի ազատ են արձակվել և ապրում են Չեչնիայում․ «Проект»
16.11.2026 | 21:32
Օտարերկրյա միջամտություններ և հիբրիդային սպառնալիքներ․ Միրզոյանի ելույթը Բրյուսելում
16.11.2026 | 21:15
Դատավորը մեղադրյալի աթոռին. ինչո՞ւ Մասիս Մելքոնյանը զրկվեց անձեռնմխելիությունից․ ՏԵՍԱՆՅՈւԹ
16.11.2026 | 21:00
ԹԵԺ ԲԱՆԱՎԵՃ․ «Քաղաքացիական պայմանագիր», «Ուժեղ Հայաստան», «Հայաստան»․ պիտի փոխվի՞ Սահմանադրությունը. ՏԵՍԱՆՅՈւԹ
16.11.2026 | 20:49
Բազմաբնակարան բնակելի համալիրի կառուցման թույլտվություն կտրվի․ նախագիծը Երևանի ավագանին կքվեարկի չզեկուցվող հարցերի փաթեթում
16.11.2026 | 20:27
38 երկիր նախազգուշացրել է այս ձմռանն Ուկրաինայում միջուկային վթարի վտանգի մասին
16.11.2026 | 20:13
ԵՄ նոր պատժամիջոցների ցանկում են ՌԴ խոշորագույն նավթավերամշակման գործարանները, «ЮMoney»-ն, ավելի քան 40 բանկեր, Մատվիենկոյի որդին
16.11.2026 | 20:00
Դիտեք ԱԺ-ի և Հ1-ի ծեծկռտուքներն ու պարզ կլինի՝ ինչու է պետք միլիոնավոր դոլարներ ծախսել կրթության վրա․ Արմեն Մարտիրոսյան. ՏԵՍԱՆՅՈՒԹ
Բոլորը

Factor TV-ի հարցազրույցը ՊՆ խոսնակ Արծրուն Հովհաննիսյանի հետ

–Պարոն Հովհաննիսյան, 2020-ին 10 զոհ է եղել ոչ մարտական պայմաններում, վերջին 13 օրում՝ 7 զոհ։ Ինչո՞ւ է բանակում նման վիճակ: Բացի այն, որ ՊՆ–ն կիսում է զոհերի հարազատների վիշտը ուրիշ ի՞նչ է անում մահերը կանգնեցնելու համար:

-Դժվար է խոսել, երբ մեկ օրում ունենք երկու դեպք, բոլորիս մեղավորությունն է՝ անկախ ամեն ինչից: Արդարանալու և մեղավորությունն ուրիշի վրա գցելու ցանկություն չունենք: Ցավոք, սա մեկ պատճառի հետևանք չէ, անշուշտ հրամանատարությունն ունի իր մեղքի բաժինը, և համապատասխան կերպով դա արտահայտվելու է, բայց կան նաև այլ պատճառներ. ոչ կանոնադրային լուծումները գերակայում են կանոնադրային լուծումներին, և արդյունքում լինում է այն, ինչ ունենք:

–Այս դեպքերից հետո հանրությունը չի իմանում, թե այս կամ այն զոհը ինչի հետևանք է: Ծնողներն էլ չեն կիսում այն տեսակետը, որոնք ներկայացվում են որպես ինքնասպանության հետևանք: Այս անորոշության հարցը կլուծվի՞, այսինքն՝ իրական պատճառների մասին կտեղեկանա՞նք:

-Ոչ մի հարազատ, ոչ մի մայր չի ուզենա ընդունի, որ իր երեխան ի վիճակի էր ինքնասպանության: Տրամաբանական չէ, որ ինչ-որը մեկը կասի՝ իմ տղան այնքան թույլ էր, որ կինքնասպանվեր: Մյուս կողմից էլ՝ հասկանալի է, որ ինքնասպանության գնացողն էլ թեթև բանից չի գնում ինքնասպանության, կան որոշակի խորքային դրդապատճառներ: Իսկ մի գուցե պետք չէ՞ շատ խորանալ, որովհետև ինքնասպանության մասին խոսելը սև գովազդ է:

–Պարոն Հովհաննիսյան, այս օրերին նաև տեսակետ է հնչում, հիշեցվում է, որ Զինված ուժերի մարտունակության և կարգապահության համար պատասխանատու է Գլխավոր շտաբը, սակայն նախարարությունը և նախարարը վերահսկող գործառույթ ունեն։ Ինչո՞ւ եք թերանում Ձեր վերահսկողական գործառույթներում։

-ԶՈՒ-ի գլխավոր պատասխանատուն հենց շտաբն է, բայց ՊՆ-ն երբեք չի փորձել իր վրայից գցել պատասխանատվության բեռը, քանի որ նախարարը և իր տեղակալներն են նախևառաջ քաղաքացիական և իրավական վերահսկողության մեխանիզմների առաջ կանգնում: Մենք մեզ համարում ենք մեկ ընտանիք և մեր թերությունները փորձում ենք մեր մեջ լուծել: Եթե թերացել ենք՝ ուրեմն մենք ենք թերացել:  Եթե կա զոհ՝ չթերանալու մասին խոսելը դժվար է:

–Պարոն Հովհաննիսյան, ՊՆ–ի գնումներին անդրադառնանք: Այսօր տեղեկություն հրապարակվեց, որ ՊՆ փոխգնդապետ Արթուր Գալստյանը, որը բաժնեմաս ուներ  «ORSIS ARMS» ընկերությունում և իր հորեղբոր տղան՝ Վիլեն Գալստյանը, որն աշխատում է ՀՀ ԶՈւ Գլխավոր շտաբի սպառազինության վարչությունում, զենքերի  մատակարարման մրցույթների կազմակերպման հարցերում համագործակցում են: Մասնավորապես մամուլը գրել էր, որ Վիլեն Գալստյանի ուղիղ վերահսկողությամբ են կատարվում փորձարկումները, նա է կազմում տեխբնութագրերը և դրա արդյունքում այլ ընկերությունների ապրանքատեսակներ դուրս են մնում մրցակցությունից, առավելությունը տրվում է հորեղբոր անվան հետ կապվող ՍՊԸ–ին: Ինչո՞ւ այս փոփոխությունները ՊՆ չեն հասնում:

-Այդ դեպքի շրջանակներում կա քրեական գործ, ես ձեռնպահ կմնամ հստակ մեկնաբանություններ տալուց, թե ինչ է տեղի ունեցել: Բայց, եթե որևէ մեկս ԶՈւ-ում կատարում ենք գործունեություն, որն օրենքից դուրս է՝ միանշանակ պետք է լինի պատասխանատվություն:

 

Հարցազրույցն ամբողջությամբ՝ տեսանյութում:

Նարեկ Կիրակոսյան