16.07.2026 | 23:29
Հետաքննությունը պարզել է, որ Ալիևի թոռներն անօրինական կերպով օգտագործում են պաշտոնական լիմուզիններն և անվտանգության մեքենաները
Մոսկվայից հայտնում են՝ Ադրբեջանի պատգամավորի մուտքը ՌԴ արգելվել է «հակառուսական և ռուսատյաց» հայտարարությունների համար
Քաղաքականություն
05.05.2025 | 21:24
Ադրբեջանի խորհրդարանի պատգամավոր Ազեր Բադամովին թույլ չեն տվել մուտք գործել Ռուսաստան՝ բազմիցս նրա կողմից արված հակառուսական և ռուսատյաց հայտարարությունների պատճառով։ Այս մասին ՌԻԱ Նովոստիին հայտնել է իրազեկ աղբյուրը։
Նրա տվյալներով՝ պատգամավորին արգելվում է մուտք գործել Ռուսաստան՝ համաձայն «Ռուսաստանի Դաշնությունից դուրս գալու և Ռուսաստանի Դաշնություն մուտք գործելու կարգի մասին» դաշնային օրենքի 26-րդ և 27-րդ հոդվածների։
«Հիմնավորումը Միլլի մեջլիսի պատգամավորի կողմից բազմիցս արված հակառուսական և ռուսատյացբ հայտարարություններն են»,- նշել է աղբյուրը։
Նա ասել է, որ Ռուսաստանը բարեկամ երկրների հետ հարաբերություններում «կանգառի ցուցակների» պրակտիկայի կողմնակից չէ։
«Ինչպես հայտնի է՝ նախկինում Ադրբեջան մուտք գործելու արգելք էր սահմանվել մի շարք ռուս օրենսդիրների համար։ Վերջին նման դեպքը վերաբերում է Պետդումայի պատգամավոր Նիկոլայ Վալուևին»,- հիշեցրել է աղբյուրը՝ նշելով, որ Մոսկվան կարծում է՝ ճիշտ է նման հարցերը լուծել դիվանագիտական ուղիներով, այլ ոչ թե լրատվամիջոցներում բողոքներ հայտնելով։
Աղբյուրի փոխանցմամբ՝ Բադամովի դեմ ձեռնարկված միջոցառումները կրում են «անձնական բնույթ» և չեն ազդում «ռուսական կողմի անփոփոխ հանձնառության վրա՝ ռուս-ադրբեջանական հարաբերությունները ռազմավարական գործընկերության և դաշինքի ոգով զարգացնելու հարցում»։
Հիշեցնենք, որ նախօրեին ադրբեջանցի պատգամավորը ձերբակալվել էր Մոսկվայի օդանավայականում և նրա մուտքը ՌԴ արգելվել էր։ Ադրբեջանի ԱԳՆ-ն էլ հայտարարել էր, որ ռուսական կողմի այդ որոշումը համարում է անբարյացակամ քայլ և սպասում է Ռուսաստանից պարզաբանումների։
Թարգմանությունը՝ Էմմա Չոբանյանի
