Արմավիրի մարզում 25-ամյա տղամարդը օդաճնշիչ հրացանով պատահաբար կրակել է աներորդու վրա․ 24-ամյա երիտասարդը մահացել է
Հասարակություն
19.11.2026 | 12:41
Նոյեմբերի 18-ին Արմավիրի մարզի Արևիկ գյուղում 25-ամյա տղամարդը տան բակում իրեն պատկանող «Տիր» օդաճնշիչ հրացանը փորձարկելիս, ըստ նախնական տվյալների, պատահաբար կրակել և վիրավորել է կնոջ 24-ամյա եղբորը։ ՆԳՆ ոստիկանության փոխանցմամբ՝ վիրավորը տեղափոխվել է հիվանդանոց, որտեղ նոյեմբերի 19-ին մահացել է։ Կրակոցն արձակած տղամարդը ձերբակալվել է։ Դեպքի հանգամանքները պարզվում են, ընթանում է նախաքննություն։
ՆԳՆ-ի հաղորդագրությունը՝ ստորև․
«Տիր» օդաճնշիչ հրացանով կրակոց է արձակել՝ պատահաբար վիրավորելով ազգականին․ 1 անձ ձերբակալվել է
Նոյեմբերի 18-ին՝ ժամը 20։35-ի սահմաններում, ՆԳՆ 112 օպերատիվ կառավարման կենտրոն Արմավիրի շտապօգնությունից հաղորդում է ստացվել, որ Արևիկ գյուղի 15-րդ փողոցի տներից մեկում վնասվածքով անձ կա։
Ահազանգով մեկնած ՆԳՆ Քրեական ոստիկանության Արմավիրի մարզային վարչության ծառայողները պարզել են, որ, ըստ նախնական տվյալների, ժամը 20։25-ի սահմաններում 25-ամյա տղամարդը տան բակում իրեն պատկանող «Տիր» օդաճնշիչ հրացանը փորձարկելիս կրակել է՝ պատահաբար վիրավորելով կնոջ 24-ամյա եղբորը։
25-ամյա տղամարդը ձերբակալվել և կազմված փաստաթղթերի հետ ներկայացվել է Արմավիրի մարզային քննչական վարչություն։
Նոյեմբերի 19-ին հիվանդանոց տեղափոխված 24-ամյա քաղաքացին մահացել է։
Կատարվում է նախաքննություն։ Հանգամանքները պարզվում են։

