20.01.2026 | 22:24
Թուրքիայի քրդամետ կուսակցությունը հայտարարում է Սիրիայում քրդերի դեմ ցեղասպանության մասին՝ մեղադրելով Անկարային
ԵՄ-ն փորձում է ստիպել Թեհրանին չխախտել միջուկային համաձայնագիրը
Քաղաքականություն
17.01.2020 | 11:53
ԵՄ 3 ձևաչափի երկրները՝ Մեծ Բրիտանիան, Ֆրանսիան և Գերմանիան շարունակում են ջանքեր գործադրել Իրանի միջուկային համաձայնագիրը փրկելու ուղղությամբ՝ գործի դնելով միջուկային համաձայնագրով նախատեսված անհամաձայնությունների կարգավորման մեխանիզմը. գրում է VOA-ն:
Եվրոպական երեք երկրներ` Մեծ Բրիտանիան, Ֆրանսիան և Գերմանիան հայտարարել են Իրանի միջուկային համաձայնագրով նախատեսված անհամաձայնությունների կարգավորման մեխանիզմի կիրառման մասին, որոնք նախատեսված են Իրանի կողմից համաձայնագրի դրույթները խախտելո դեպքում: Երկրները հայտարարել են, որ համաձայնագիրը շարունակում է մնալ ուժի մեջ՝ չնայած ԱՄՆ դուրս է եկել պայմանագրից:
Իրանը, սակայն, մեղադրել է եվրոպական երկրներին համաձայնագիրը խախտելու համար՝ ընդգծելով, որ վերջիններս չեն հակադարձել ԱՄՆ-ի ճնշումներին այն մտավախությամբ, որ Վաշինգտոնը կարող է սակագներ հաստատել եվրոպական ապրանքների նկատմամբ։
Իրանի արտգործնախարարության խոսնակ Աբբաս Մոսավին վստահեցրել է, որ Թեհրանը կարձագանքի համապատասխանաբար եվրոպական երկրների ձեռնարկած քայլերին:
Հայտնի է, որ վերոհիշյալ մեխանիզմի ակտիվացումից հետո Իրանը, ըստ համաձայնագրի, պարտավոր է 15 օրվա ընթացքում կարգավորել խնդիրները: Հակառակ պարագայում ՄԱԿ-ը կարող է սահմանել միջազգային պատժամիջոցներ, որոնք վերացվել էին 2015 թվականի պայմանագրի կնքումից հետո: ԵՄ արտաքին գործերի հանձնակատար Ջոսեֆ Բորելը վստահեցրել է, որ այս մեխանիզմի հիմնական նպատակը ոչ թե պատժամիջոցների վերականգնումն է, այլ Իրանի համապատասխանեցումը միջուկային համաձայնագրի դրույթներին:
Իրանը, սակայն, շարունակում է պնդել, որ իր միջուկային ծրագիրն ունի միայն խաղաղ բնույթ: Հունվարի 16-ի իր ելույթում Իրանի նախագահ Ռոհանին չի բացառել հետագա բանակցությունների անցկացումը միջազգային համայնքի հետ այս հարցի շուրջ՝ չնայած առկա բազաթիվ դժվարություններին:
Հիշեցնենք, որ նախագահ Թրամփի վարչակազմը ԱՄՆ-ը դուրս է բերել Իրանի միջուկային համաձայնագրից: ԱՄՆ-ը ցանկանում է, որ Իրանը վերջ դնի միջուկային իր ծրագրին ու դադարեցնի Մերձավոր Արևելքում ահաբեկչական խմբավորումներին ցուցաբերվող աջակցությունը:
