26.05.2026 | 17:33
Մեր ռազմավարական գործընկերությունը բարձրացրինք նոր մակարդակի․ Արարատ Միրզոյան․ ՏԵՍԱՆՅՈՒԹ
Սպիտակ տունը հայտարարել է, որ մտադիր չէ միջուկային զենք փոխանցել Ուկրաինային
Քաղաքականություն
28.11.2024 | 18:43
ԱՄՆ-ը չի նախատեսում միջուկային զենք փոխանցել Ուկրաինային։ Այս մասին Newsweek-ին ասել են Սպիտակ տանը՝ մեկնաբանելով ՌԴ Անվտանգության խորհրդի փոխնախագահ Դմիտրի Մեդվեդևի հրապարակումը, որում նա պնդում է, թե Վաշինգտոնը «լրջորեն քննարկում է այս տեսակի զենքը Կիևին մատակարարելու հետևանքները»։
Նոյեմբերի 26-ին Տելեգրամ հարթակում Մեդվեդևը նշել է, որ Ուկրաինային միջուկային զենքի փոխանցման մասին քննարկումները կարող են ընկալվել որպես Ռուսաստանի հետ միջուկային հակամարտության նախապատրաստում։ Նա նշել էր, թե նման զենքի փաստացի փոխանցումը կմեկնաբանվի որպես ագրեսիայի ակտ Ռուսաստանի Դաշնության դեմ՝ հիշեցնելով միջուկային զսպման ոլորտում պետական քաղաքականության հիմունքների 19-րդ կետը։
«Հետևանքներն ակնհայտ են»,- սպառնացել էր նա։
Նոյեմբերի 19-ին Վլադիմիր Պուտինը հաստատել է Ռուսաստանի միջուկային դոկտրինի նոր տարբերակը։ Փաստաթղթում ասվում է, որ Ռուսաստանի կամ նրա դաշնակիցների դեմ ագրեսիան ոչ միջուկային պետության կողմից միջուկային տերության աջակցությամբ կհամարվի համատեղ հարձակում, որն ընդլայնում է Մոսկվայի կողմից իր միջուկային զինանոցն օգտագործելու հիմքերը։
Թարգմանությունը՝ Տաթև Ֆռանգյանի
