30.04.2026 | 01:05
Չեմպիոնների լիգա․ «Աթլետիկոն» ու «Արսենալը» չպարզեցին հաղթողին․ ՏԵՍԱՆՅՈՒԹ
Վրաստանում իրավապահների կատարած խախտումների անպատժելիությունն անլուծելի խնդիր է մնում. Human Rights Watch
Քաղաքականություն
15.01.2020 | 17:17
«Վրաստանում իրավապահների կողմից կատարված խախտումների դիմաց անպատժելիությունը շարունակում է մնալ չլուծված խնդիր», — այս մասին ասված է Human Rights Watch միջազգային կազմակերպության 2020 թվականի զեկույցում. գրում է aliq.ge-ը:
«Ֆինանսավորման պակասի պատճառով կառավարությունը երկու անգամ հետաձգել է Պետական տեսչության գրասենյակի գործարկումը, որը ստեղծվել է 2018 թվականին՝ իրավապահների և պետական այլ պաշտոնատար անձանց կողմից կատարված հանցագործությունների հետաքննության համար: Գրասենյակը գործարկվեց նոյեմբերի 1-ին», — ասվում է հաղորդագրության մեջ:
Human Rights Watch-ը մարդու իրավունքների զեկույցում նշում է նաև հունիսի 20-ի իրադարձությունները՝ ասելով, որ հասարակության բողոքի ցույցը հետևել է Ռուսաստանի Դումայի պատվիրակության խորհրդարան այցին:
«Հունիսի 20-ի գիշերը հատուկ ջոկատայինները ռետինե փամփուշտներ և արցունքաբեր գազ են կիրառել հազարավոր ցուցարարների դեմ», — ասվում է հաղորդագրության մեջ՝ ավելացնելով, որ թեև ցուցարարներից ոմանք փորձել են ներխուժել ոստիկանության պատից ներս, սակայն ցույցը հիմնականում կրել է խաղաղ բնույթ:
Ըստ Human Rights Watch- ի, չնայած դատախազությունը մեղադրանք է առաջադրել երեք ոստիկանների՝ լիազորությունները չարաշահելու համար, բոլոր երեքն էլ ազատ են արձակվել գրավի դիմաց: Դատախազությունը տուժող է ճանաչել 67 ոստիկանի և միայն 4 քաղաքացու:
Կազմակերպությունը խոսում է նաև Հանրային պաշտպանի գրասենյակի կողմից բարձրացված դեպքերի մասին և նշում, որ քրեական հետապնդման որևէ գործ հարուցված չէ:
