18.10.2026 | 15:12
Ֆրանսիայում ցուցարարները հրկիզել են Լիմոժի քաղաքապետարանի պատմական շենքը
ANCA-ն ԱՄՆ-ից պահանջում է վերջ տալ Ադրբեջանի նկատմամբ նպաստավոր առևտրային քաղաքականությանը
Քաղաքականություն
04.12.2019 | 17:21
ԱՄՆ Հայ դատի հանձնախմբի գրասենյակը (ANCA) հայտարարություն է տարածել այն մասին, որ Միացյալ Նահանգները պետք է վերջ տա Ադրբեջանի նկատմամբ նախընտրելի առևտրային վերաբերմունքին: Այս մասին հայտնում է Asbarez-ը։
Հայ դատի հանձնախմբի հայտարարությունն ուղղված է ԱՄՆ-ի առևտրային ներկայացուցչությանը, որը 2020թ. հունվարի 17-ին մտադիր է վերանայել Պրեֆերենցիալ ընդհանրացված համակարգի (GSP) շրջանակում Բաքվի արտադրանքն ԱՄՆ արտահանելու թույլտվությունը։
Իշխանություններին ուղղված նամակում ԱՄՆ հայ դատի հանձնախմբի ներկայացուցիչ Թերեզա Երիմյանը բացատրել է, թե ինչու ԱՄՆ-ն պետք է վերանայի Ադրբեջանի նկատմամբ նախընտրելի առևտրային վերաբերմունքը:
Ըստ նրա՝ պատճառների շարքում են Հայաստանը շրջափակելու նպատակով Ադրբեջանի և Թուրքիայի պայմանավորվածությունը, Ադրբեջանի կողմից մարդասպան Ռամիլ Սաֆարովի արդարացումը և այդ երկրի իշխանությունների կողմից ռասիստական քաղաքականության դրսևորումն ու էթնիկ հայերին մուտքի արտոնագրերի չտրամադրումը։
Նշենք, որ Պրեֆերենցիալ ընդհանրացված համակարգով (GSP ) աշխարհի 119 երկրից առևտրային ձեռնտու պայմաններով՝ առանց առևտրային տուրքերի, հազարավոր ապրանքներ ԱՄՆ են արտահանվում: Այդ ծրագրում ներառված են նաև Հայաստանը, Վրաստանն ու Ադրբեջանը:
Նելլի Մելքոնյան
